रस्ता भी कठिन धूप में शिद्दत भी बहुत थी
साए से मगर उस को मोहब्बत भी बहुत थी
खे़मे न कोई मेरे मुसाफ़िर के जलाए
ज़ख़्मी था बहुत पाँव मसाफ़त भी बहुत थी
सब दोस्त मिरे मुंतज़िर-ए-पर्दा-ए-शब थे
दिन में तो सफ़र करने में दिक़्क़त भी बहुत थी
बारिश की दुआओं में नमी आँख की मिल जाए
जज़्बे की कभी इतनी रिफ़ाक़त भी बहुत थी
कुछ तो तिरे मौसम ही मुझे रास कम आए
और कुछ मिरी मिट्टी में बग़ावत भी बहुत थी
फूलों का बिखरना तो मुक़द्दर ही था लेकिन
कुछ इस में हवाओं की सियासत भी बहुत थी
वो भी सर-ए-मक़्तल है कि सच जिस का था शाहिद
और वाक़िफ़-ए-अहवाल-ए-अदालत भी बहुत थी
इस तर्क-ए-रिफ़ाक़त पे परेशाँ तो हूँ लेकिन
अब तक के तिरे साथ पे हैरत भी बहुत थी
ख़ुश आए तुझे शहर-ए-मुनाफ़िक़ की अमीरी
हम लोगों को सच कहने की आदत भी बहुत थी
rasta bhī kaThin dhuup meñ shiddat bhī bahut thī
saa.e se magar us ko mohabbat bhī bahut thī
ḳheme na koī mere musāfir ke jalā.e
zaḳhmī thā bahut paañv masāfat bhī bahut thī
sab dost mire muntazir-e-parda-e-shab the
din meñ to safar karne meñ diqqat bhī bahut thī
bārish kī duāoñ meñ namī aañkh kī mil jaa.e
jazbe kī kabhī itnī rifāqat bhī bahut thī
kuchh to tire mausam hī mujhe raas kam aa.e
aur kuchh mirī miTTī meñ baġhāvat bhī bahut thī
phūloñ kā bikharnā to muqaddar hī thā lekin
kuchh is meñ havāoñ kī siyāsat bhī bahut thī
vo bhī sar-e-maqtal hai ki sach jis kā thā shāhid
aur vāqif-e-ahvāl-e-adālat bhī bahut thī
is tark-e-rifāqat pe pareshāñ to huuñ lekin
ab tak ke tire saath pe hairat bhī bahut thī
ḳhush aa.e tujhe shahr-e-munāfiq kī amīrī
ham logoñ ko sach kahne kī aadat bhī bahut thī
رستہ بھی کٹھن دھوپ میں شدت بھی بہت تھی
سائے سے مگر اس کو محبت بھی بہت تھی
خیمے نہ کوئی میرے مسافر کے جلائے
زخمی تھا بہت پاؤں مسافت بھی بہت تھی
سب دوست مرے منتظر پردۂ شب تھے
دن میں تو سفر کرنے میں دقت بھی بہت تھی
بارش کی دعاؤں میں نمی آنکھ کی مل جائے
جذبے کی کبھی اتنی رفاقت بھی بہت تھی
کچھ تو ترے موسم ہی مجھے راس کم آئے
اور کچھ مری مٹی میں بغاوت بھی بہت تھی
پھولوں کا بکھرنا تو مقدر ہی تھا لیکن
کچھ اس میں ہواؤں کی سیاست بھی بہت تھی
وہ بھی سر مقتل ہے کہ سچ جس کا تھا شاہد
اور واقف احوال عدالت بھی بہت تھی
اس ترک رفاقت پہ پریشاں تو ہوں لیکن
اب تک کے ترے ساتھ پہ حیرت بھی بہت تھی
خوش آئے تجھے شہر منافق کی امیری
ہم لوگوں کو سچ کہنے کی عادت بھی بہت تھی