रंग मौसम के साथ लाए हैं
ये परिंदे कहाँ से आए हैं
बैठ जाते हैं राह-रौ थक कर
कितने हिम्मत-शिकन ये साए हैं
धूप अपनी ज़मीन है अपनी
पेड़ अपने नहीं पराए हैं
अपने अहबाब की ख़ुशी के लिए
बे-इरादा भी मुस्कुराए हैं
दुश्मनों को क़रीब से देखा
दोस्तों के फ़रेब खाए हैं
हम ने तोड़ा है ज़ुल्मतों का फ़ुसूँ
रौशनी के भी तीर खाए हैं
देख ले मुड़ के महव-ए-आराइश
आईना बन के हम भी आए हैं
पै-ब-पै राह की शिकस्तों ने
हौसले और भी बढ़ाए हैं
ज़िंदगी है उसी का नाम 'ए'जाज़'
हैं वो अपने जो ग़म पराए हैं
rang mausam ke saath laa.e haiñ
ye parinde kahāñ se aa.e haiñ
baiTh jaate haiñ rāh-rau thak kar
kitne himmat-shikan ye saa.e haiñ
dhuup apnī zamīn hai apnī
peḌ apne nahīñ parā.e haiñ
apne ahbāb kī ḳhushī ke liye
be-irāda bhī muskurā.e haiñ
dushmanoñ ko qarīb se dekhā
dostoñ ke fareb khaa.e haiñ
ham ne toḌā hai zulmatoñ kā fusūñ
raushnī ke bhī tiir khaa.e haiñ
dekh le muḌ ke mahv-e-ārā.ish
ā.īna ban ke ham bhī aa.e haiñ
pai-ba-pai raah kī shikastoñ ne
hausle aur bhī baḌhā.e haiñ
zindagī hai usī kā naam 'e'jāz'
haiñ vo apne jo ġham parā.e haiñ
رنگ موسم کے ساتھ لائے ہیں
یہ پرندے کہاں سے آئے ہیں
بیٹھ جاتے ہیں راہ رو تھک کر
کتنے ہمت شکن یہ سائے ہیں
دھوپ اپنی زمین ہے اپنی
پیڑ اپنے نہیں پرائے ہیں
اپنے احباب کی خوشی کے لئے
بے ارادہ بھی مسکرائے ہیں
دشمنوں کو قریب سے دیکھا
دوستوں کے فریب کھائے ہیں
ہم نے توڑا ہے ظلمتوں کا فسوں
روشنی کے بھی تیر کھائے ہیں
دیکھ لے مڑ کے محو آرایش
آئینہ بن کے ہم بھی آئے ہیں
پے بہ پے راہ کی شکستوں نے
حوصلے اور بھی بڑھائے ہیں
زندگی ہے اسی کا نام اعجازؔ
ہیں وہ اپنے جو غم پرائے ہیں