रंग-ए-तहज़ीब-ओ-तमद्दुन के शनासा हम भी हैं
सूरत-ए-आईना मरहून-ए-तमाशा हम भी हैं
हाल ओ मुस्तक़बिल का क्या हम को सबक़ देते हैं आप
इस क़दर तो वाक़िफ़-ए-इमरोज़-ओ-फ़र्दा हम भी हैं
बा-दिल-ए-ना-ख़्वास्ता हँसते हैं दुनिया के लिए
वर्ना सच ये है पशेमान-ए-तमन्ना हम भी हैं
कुछ सफ़ीने हैं कि तूफ़ाँ से है जिन का साज़-बाज़
देखने वालों में इक बैरून-ए-दरिया हम भी हैं
देखना है देख लो उठती हुई महफ़िल का रंग
सुबह के बुझते चराग़ों का सँभाला हम भी हैं
काग़ज़ी मल्बूस में उभरी है हर शक्ल-ए-हयात
रेत की चादर पे इक नक़्श-ए-कफ़-ए-पा हम भी हैं
जा-ब-जा बिखरे नज़र आते हैं आसार-ए-क़दीम
पी गईं जिस को गुज़रगाहें वो दरिया हम भी हैं
उस हरम की ज़ेब-ओ-ज़ीनत को ख़ुदा रक्खे मगर
मुजरिमान-ए-अह्द-ओ-पैमान-ए-कलीसा हम भी हैं
हम से गूँजा है अदम-आबाद का दश्त-ए-सुकूत
आलम-ए-अर्वाह का पहला धमाका हम भी हैं
हम जब उठ जाएँगे ये उक़्दा भी हल हो जाएगा
रौनक़-ए-महफ़िल चराग़ों के अलावा हम भी हैं
ख़ाक क्यूँ होता नहीं जल कर हिसार-आब-ओ-गिल
ये अगर सच है तिरे जल्वों का पर्दा हम भी हैं
हम पे जाने कौन सा तूफ़ान थोपा जाएगा
जाने किस ताज़ीर की ख़ातिर गवारा हम भी हैं
ये सर-ए-फ़िहरिस्त और एहसान-'दानिश' शादबाश
मुजरिमों में आप के नज़दीक गोया हम भी हैं
rañg-e-tahzīb-o-tamaddun ke shanāsā ham bhī haiñ
sūrat-e-ā.īna marhūn-e-tamāshā ham bhī haiñ
haal o mustaqbil kā kyā ham ko sabaq dete haiñ aap
is qadar to vāqif-e-imroz-o-fardā ham bhī haiñ
bā-dil-e-nā-ḳhvāsta hañste haiñ duniyā ke liye
varna sach ye hai pashemān-e-tamannā ham bhī haiñ
kuchh safīne haiñ ki tūfāñ se hai jin kā sāz-bāz
dekhne vāloñ meñ ik bairūn-e-dariyā ham bhī haiñ
dekhnā hai dekh lo uThtī huī mahfil kā rañg
subah ke bujhte charāġhoñ kā sambhālā ham bhī haiñ
kāġhzī malbūs meñ ubhrī hai har shakl-e-hayāt
ret kī chādar pe ik naqsh-e-kaf-e-pā ham bhī haiñ
jā-ba-jā bikhre nazar aate haiñ āsār-e-qadīm
pī ga.iiñ jis ko guzargāheñ vo dariyā ham bhī haiñ
us haram kī zeb-o-zīnat ko ḳhudā rakkhe magar
mujrimān-e-ahd-o-paimān-e-kalīsā ham bhī haiñ
ham se gūñjā hai adam-ābād kā dasht-e-sukūt
ālam-e-arvāh kā pahlā dhamākā ham bhī haiñ
ham jab uTh jā.eñge ye uqda bhī hal ho jā.egā
raunaq-e-mahfil charāġhoñ ke alāva ham bhī haiñ
ḳhaak kyuuñ hotā nahīñ jal kar hisār-e-āb-o-gil
ye agar sach hai tire jalvoñ kā parda ham bhī haiñ
ham pe jaane kaun sā tūfān thopā jā.egā
jaane kis ta.azīr kī ḳhātir gavārā ham bhī haiñ
ye sar-e-fihrist aur ehsān-'dānish' shādbāsh
mujrmoñ meñ aap ke nazdīk goyā ham bhī haiñ
رنگ تہذیب و تمدن کے شناسا ہم بھی ہیں
صورت آئینہ مرہون تماشا ہم بھی ہیں
حال و مستقبل کا کیا ہم کو سبق دیتے ہیں آپ
اس قدر تو واقف امروز و فردا ہم بھی ہیں
بادل نا خواستہ ہنستے ہیں دنیا کے لئے
ورنہ سچ یہ ہے پشیمان تمنا ہم بھی ہیں
کچھ سفینے ہیں کہ طوفاں سے ہے جن کا ساز باز
دیکھنے والوں میں اک بیرون دریا ہم بھی ہیں
دیکھنا ہے دیکھ لو اٹھتی ہوئی محفل کا رنگ
صبح کے بجھتے چراغوں کا سنبھالا ہم بھی ہیں
کاغذی ملبوس میں ابھری ہے ہر شکل حیات
ریت کی چادر پہ اک نقش کف پا ہم بھی ہیں
جا بہ جا بکھرے نظر آتے ہیں آثار قدیم
پی گئیں جس کو گزر گاہیں وہ دریا ہم بھی ہیں
اس حرم کی زیب و زینت کو خدا رکھے مگر
مجرمان عہد و پیمان کلیسا ہم بھی ہیں
ہم سے گونجا ہے عدم آباد کا دشت سکوت
عالم ارواح کا پہلا دھماکا ہم بھی ہیں
ہم جب اٹھ جائیں گے یہ عقدہ بھی حل ہو جائے گا
رونق محفل چراغوں کے علاوہ ہم بھی ہیں
خاک کیوں ہوتا نہیں جل کر حصار آب و گل
یہ اگر سچ ہے ترے جلووں کا پردہ ہم بھی ہیں
ہم پہ جانے کون سا طوفان تھوپا جائے گا
جانے کس تعزیر کی خاطر گوارا ہم بھی ہیں
یہ سر فہرست اور احسان دانشؔ شادباش
مجرموں میں آپ کے نزدیک گویا ہم بھی ہیں