रहे हमेशा मुख़ातिब बस अपनी ज़ात से हम
रुजूअ' होते भी क्या हुस्न-ए-काएनात से हम
अब आ गई है वो साअ'त कि दिन की बात करें
डरा करेंगे कहाँ तक अँधेरी रात से हम
क़दम क़दम पे तो हम ने है ज़ेहन को घेरा
क़दम क़दम पे बचे गो तवहहुमात से हम
ख़ुदा के वास्ते अब दाम-ए-आगही न बिछा
डरा किए हैं ख़िरद तेरी बात बात से हम
न छूट पाए हैं अब तक न छूट पाएँगे
दिल-ओ-निगाह के रंगीं मुआमलात से हम
खुलें तो कैसे खुलें राज़-हा-ए-अक़्ल-ओ-जुनूँ
निगाह फेरे हुए हैं मुशाहिदात से हम
हमें यक़ीं में भी अब शक दिखाई देता है
घिरे हुए हैं कुछ ऐसे ही वाक़िआ'त से हम
ज़माना लाख करे कोशिशें बचाने की
निकल सकेंगे न अफ़्सून-ए-इल्तिफ़ात से हम
हमें डराएँ न अहबाब अब हवादिस से
बने हुए हैं हक़ीक़त में हादसात से हम
ज़माना उर्दू अदब को भुला न पाएगा
बना रहे हैं वो तस्वीर अपने हाथ से हम
ज़बाँ तक आ नहीं पाई सदा-ए-दिल 'क़ादिर'
बंधे हुए हैं कुछ ऐसे तकल्लुफ़ात से हम
rahe hamesha muḳhātib bas apnī zaat se ham
rujūa hote bhī kyā husn-e-kā.enāt se ham
ab aa ga.ī hai vo saa.at ki din kī baat kareñ
Darā kareñge kahāñ tak añdherī raat se ham
qadam qadam pe to ham ne hai zehn ko gherā
qadam qadam pe bache go tavahhumāt se ham
ḳhudā ke vāste ab dām-e-āgahī na bichhā
Darā kiye haiñ ḳhirad terī baat baat se ham
na chhūT paa.e haiñ ab tak na chhūT pā.eñge
dil-o-nigāh ke rangīñ muāmlāt se ham
khuleñ to kaise khuleñ rāz-hā-e-aql-o-junūñ
nigāh phere hue haiñ mushāhidāt se ham
hameñ yaqīñ meñ bhī ab shak dikhā.ī detā hai
ghire hue haiñ kuchh aise hī vāqi.āt se ham
zamāna laakh kare koshisheñ bachāne kī
nikal sakeñge na afsūn-e-iltifāt se ham
hameñ Darā.eñ na ahbāb ab havādis se
bane hue haiñ haqīqat meñ hādsāt se ham
zamāna urdu adab ko bhulā na pā.egā
banā rahe haiñ vo tasvīr apne haath se ham
zabāñ tak aa nahīñ paa.ī sadā-e-dil 'qādir'
bañdhe hue haiñ kuchh aise takallufāt se ham
رہے ہمیشہ مخاطب بس اپنی ذات سے ہم
رجوع ہوتے بھی کیا حسن کائنات سے ہم
اب آ گئی ہے وہ ساعت کہ دن کی بات کریں
ڈرا کریں گے کہاں تک اندھیری رات سے ہم
قدم قدم پہ تو ہم نے ہے ذہن کو گھیرا
قدم قدم پہ بچے گو توہمات سے ہم
خدا کے واسطے اب دام آگہی نہ بچھا
ڈرا کئے ہیں خرد تیری بات بات سے ہم
نہ چھوٹ پائے ہیں اب تک نہ چھوٹ پائیں گے
دل و نگاہ کے رنگیں معاملات سے ہم
کھلیں تو کیسے کھلیں راز ہائے عقل و جنوں
نگاہ پھیرے ہوئے ہیں مشاہدات سے ہم
ہمیں یقیں میں بھی اب شک دکھائی دیتا ہے
گھرے ہوئے ہیں کچھ ایسے ہی واقعات سے ہم
زمانہ لاکھ کرے کوششیں بچانے کی
نکل سکیں گے نہ افسون التفات سے ہم
ہمیں ڈرائیں نہ احباب اب حوادث سے
بنے ہوئے ہیں حقیقت میں حادثات سے ہم
زمانہ اردو ادب کو بھلا نہ پائے گا
بنا رہے ہیں وہ تصویر اپنے ہاتھ سے ہم
زباں تک آ نہیں پائی صدائے دل قادرؔ
بندھے ہوئے ہیں کچھ ایسے تکلفات سے ہم