रफ़ीक़-ओ-मोनिस-ओ-हमदम कोई मिला ही नहीं
वो क्या जिए जिसे जीने का आसरा ही नहीं
उसे हक़ीक़त-ए-उज़मा समझ के इतराए
वो नक़्श-ए-ज़ीस्त जो सच पूछिए बना ही नहीं
ख़ुदा के वास्ते कुछ रौशनी घटा दीजे
नज़र है ख़ीरा कुछ ऐसी कि सूझता ही नहीं
हवास-ओ-होश-ओ-ख़िरद सब वहाँ सलामत हैं
जहाँ निगाह का जादू कभी चला ही नहीं
वो अपनी ज़ात से बाहर निकल के क्या जाए
वो दीदा-वर जो किसी सम्त देखता ही नहीं
तिरी निगाह के सदक़े तिरी नज़र के निसार
गिरा जो तेरी नज़र से वो फिर उठा ही नहीं
उस एक बात के क़ुर्बान जाइए कि जिसे
तमाम उम्र कहा और कुछ कहा ही नहीं
फ़साना-ए-दिल-ए-सद-चाक का मआल न पूछ
सुना तो उस ने मगर जैसे कुछ सुना ही नहीं
दिखाऊँ भी तो किसे दर्द-ओ-रंज की तस्वीर
मिरे जहाँ में कोई दर्द-आश्ना ही नहीं
मिरे रफ़ीक़ मुझे दरस-ए-मस्लहत क्यों दें
दिलों की बात है याँ मस्लहत रवा ही नहीं
ज़माना उस से ख़ुशी क्यों तलब करे 'क़ादिर'
जिसे ग़मों के सिवा और कुछ मिला ही नहीं
rafīq-o-monis-o-hamdam koī milā hī nahīñ
vo kyā jiye jise jiine kā aasrā hī nahīñ
use haqīqat-e-uzmā samajh ke itrā.e
vo naqsh-e-zīst jo sach pūchhiye banā hī nahīñ
ḳhudā ke vāste kuchh raushnī ghaTā diije
nazar hai ḳhīra kuchh aisī ki sūjhtā hī nahīñ
havās-o-hosh-o-ḳhirad sab vahāñ salāmat haiñ
jahāñ nigāh kā jaadū kabhī chalā hī nahīñ
vo apnī zaat se bāhar nikal ke kyā jaa.e
vo dīda-var jo kisī samt dekhtā hī nahīñ
tirī nigāh ke sadqe tirī nazar ke nisār
girā jo terī nazar se vo phir uThā hī nahīñ
us ek baat ke qurbān jā.iye ki jise
tamām umr kahā aur kuchh kahā hī nahīñ
fasāna-e-dil-e-sad-chāk kā ma.aal na pūchh
sunā to us ne magar jaise kuchh sunā hī nahīñ
dikhā.ūñ bhī to kise dard-o-ranj kī tasvīr
mire jahāñ meñ koī dard-āshnā hī nahīñ
mire rafīq mujhe dars-e-maslahat kyoñ deñ
diloñ kī baat hai yaañ maslahat ravā hī nahīñ
zamāna us se ḳhushī kyoñ talab kare 'qādir'
jise ġhamoñ ke sivā aur kuchh milā hī nahīñ
رفیق و مونس و ہمدم کوئی ملا ہی نہیں
وہ کیا جئے جسے جینے کا آسرا ہی نہیں
اسے حقیقت عظمیٰ سمجھ کے اترائے
وہ نقش زیست جو سچ پوچھئے بنا ہی نہیں
خدا کے واسطے کچھ روشنی گھٹا دیجے
نظر ہے خیرہ کچھ ایسی کہ سوجھتا ہی نہیں
حواس و ہوش و خرد سب وہاں سلامت ہیں
جہاں نگاہ کا جادو کبھی چلا ہی نہیں
وہ اپنی ذات سے باہر نکل کے کیا جائے
وہ دیدہ ور جو کسی سمت دیکھتا ہی نہیں
تری نگاہ کے صدقہ تری نظر کے نثار
گرا جو تیری نظر سے وہ پھر اٹھا ہی نہیں
اس ایک بات کے قربان جائیے کہ جسے
تمام عمر کہا اور کچھ کہا ہی نہیں
فسانہ دل صد چاک کا مآل نہ پوچھ
سنا تو اس نے مگر جیسے کچھ سنا ہی نہیں
دکھاؤں بھی تو کسے درد و رنج کی تصویر
مرے جہاں میں کوئی درد آشنا ہی نہیں
مرے رفیق مجھے درس مصلحت کیوں دیں
دلوں کی بات ہے یاں مصلحت روا ہی نہیں
زمانہ اس سے خوشی کیوں طلب کرے قادرؔ
جسے غموں کے سوا اور کچھ ملا ہی نہیں