राज़-ए-दिल क्यूँ न कहूँ सामने दीवानों के
ये तो वो लोग हैं अपनों के न बेगानों के
वो भी क्या दौर थे साक़ी तिरे मस्तानों के
रास्ते राह तका करते थे मय-ख़ानों के
बादलों पर ये इशारे तिरे दीवानों के
टुकड़े पहुँचे हैं कहाँ उड़ के गरेबानों के
रास्ते बंद किए देते हो दीवानों के
ढेर लग जाएँगे बस्ती में गरेबानों के
न अज़ाँ देता न हुशियार बरहमन होता
दर तो उस शैख़ ने खुलवाए हैं बुतख़ानों के
आप दिन-रात सँवारा करें गेसू तो क्या
कहीं हालात बदलते हैं परेशानों के
मनअ' कर गिर्या-ए-शबनम पे न ये फूल हँसें
लाले पड़ जाएँगे ऐ बाद-ए-सबा जानों के
क्या ज़माना था उधर शाम इधर हाथ में जाम
सुब्ह तक दौर चला करते थे पैमानों के
वो भी क्या दिन थे उधर शाम इधर हाथ में जाम
अब तो रस्ते भी रहे याद न मय-ख़ानों के
आज तक तो मिरी कश्ती ने न पाई मंज़िल
क़ाफ़िले सैंकड़ों गुम हो गए तूफ़ानों के
ख़ाक-ए-सहरा पे लकीरें हैं उन्हें फिर देखो
कहीं ये ख़त न हों लिक्खे हुए दीवानों के
देखिए चर्ख़ पे तारे भी हैं क्या बे-तरतीब
जैसे बिखरे हुए टुकड़े मिरे पैमानों के
हाथ ख़ाली हैं मगर मुल्क-ए-अदम का है सफ़र
हौसले देखिए उन बे-सर-ओ-सामानों के
सर झुकाए हुए बैठे हैं जो का'बे में 'क़मर'
ऐसे होते हैं निकाले हुए बुतख़ानों के
rāz-e-dil kyuuñ na kahūñ sāmne dīvānoñ ke
ye to vo log haiñ apnoñ ke na begānoñ ke
vo bhī kyā daur the saaqī tire mastānoñ ke
rāste raah takā karte the mai-ḳhānoñ ke
bādaloñ par ye ishāre tire dīvānoñ ke
TukḌe pahuñche haiñ kahāñ uḌ ke garebānoñ ke
rāste band kiye dete ho dīvānoñ ke
Dher lag jā.eñge bastī meñ garebānoñ ke
na azaañ detā na hushiyār barahman hotā
dar to us shaiḳh ne khulvā.e haiñ but-ḳhānoñ ke
aap din-rāt sañvārā kareñ gesū to kyā
kahīñ hālāt badalte haiñ pareshānoñ ke
man.a kar girya-e-shabnam pe na ye phuul hañseñ
laale paḌ jā.eñge ai bād-e-sabā jānoñ ke
kyā zamāna thā udhar shaam idhar haath meñ jaam
sub.h tak daur chalā karte the paimānoñ ke
vo bhī kyā din the udhar shaam idhar haath meñ jaam
ab to raste bhī rahe yaad na mai-ḳhānoñ ke
aaj tak to mirī kashtī ne na paa.ī manzil
qāfile saiñkaḌoñ gum ho ga.e tūfānoñ ke
ḳhāk-e-sahrā pe lakīreñ haiñ unheñ phir dekho
kahīñ ye ḳhat na hoñ likkhe hue dīvānoñ ke
dekhiye charḳh pe taare bhī haiñ kyā be-tartīb
jaise bikhre hue TukḌe mire paimānoñ ke
haath ḳhālī haiñ magar mulk-e-adam kā hai safar
hausle dekhiye un be-sar-o-sāmānoñ ke
sar jhukā.e hue baiThe haiñ jo ka.abe meñ 'qamar'
aise hote haiñ nikāle hue but-ḳhānoñ ke
راز دل کیوں نہ کہوں سامنے دیوانوں کے
یہ تو وہ لوگ ہیں اپنوں کے نہ بیگانوں کے
وہ بھی کیا دور تھے ساقی ترے مستانوں کے
راستے راہ تکا کرتے تھے مے خانوں کے
بادلوں پر یہ اشارے ترے دیوانوں کے
ٹکڑے پہنچے ہیں کہاں اڑ کے گریبانوں کے
راستے بند کئے دیتے ہو دیوانوں کے
ڈھیر لگ جائیں گے بستی میں گریبانوں کے
نہ اذاں دیتا نہ ہشیار برہمن ہوتا
در تو اس شیخ نے کھلوائے ہیں بت خانوں کے
آپ دن رات سنوارا کریں گیسو تو کیا
کہیں حالات بدلتے ہیں پریشانوں کے
منع کر گریۂ شبنم پہ نہ یہ پھول ہنسیں
لالے پڑ جائیں گے اے باد صبا جانوں کے
کیا زمانہ تھا ادھر شام ادھر ہاتھ میں جام
صبح تک دور چلا کرتے تھے پیمانوں کے
وہ بھی کیا دن تھے ادھر شام ادھر ہاتھ میں جام
اب تو رستے بھی رہے یاد نہ مے خانوں کے
آج تک تو مری کشتی نے نہ پائی منزل
قافلے سینکڑوں گم ہو گئے طوفانوں کے
خاک صحرا پہ لکیریں ہیں انہیں پھر دیکھو
کہیں یہ خط نہ ہوں لکھے ہوئے دیوانوں کے
دیکھیے چرخ پہ تارے بھی ہیں کیا بے ترتیب
جیسے بکھرے ہوئے ٹکڑے مرے پیمانوں کے
ہاتھ خالی ہیں مگر ملک عدم کا ہے سفر
حوصلے دیکھیے ان بے سر و سامانوں کے
سر جھکائے ہوئے بیٹھے ہیں جو کعبہ میں قمرؔ
ایسے ہوتے ہیں نکالے ہوئے بت خانوں کے