रात दिन चैन हम ऐ रश्क-ए-क़मर रखते हैं
शाम अवध की तो बनारस की सहर रखते हैं
भाँप ही लेंगे इशारा सर-ए-महफ़िल जो किया
ताड़ने वाले क़यामत की नज़र रखते हैं
ढूँढ लेता मैं अगर और किसी जा होते
क्या कहूँ आप दिल-ए-ग़ैर में घर रखते हैं
अश्क क़ाबू में नहीं राज़ छुपाऊँ क्यूँकर
दुश्मनी मुझ से मिरे दीदा-ए-तर रखते हैं
कैसे बे-रहम हैं सय्याद इलाही तौबा
मौसम-ए-गुल में मुझे काट के पर रखते हैं
कौन हैं हम से सिवा नाज़ उठाने वाले
सामने आएँ जो दिल और जिगर रखते हैं
दिल तो क्या चीज़ है पत्थर हो तो पानी हो जाए
मेरे नाले अभी इतना तो असर रखते हैं
चार दिन के लिए दुनिया में लड़ाई कैसी
वो भी क्या लोग हैं आपस में शरर रखते हैं
हाल-ए-दिल यार को महफ़िल में सुनाऊँ क्यूँ कर
मुद्दई कान उधर और इधर रखते हैं
जल्वा-ए-यार किसी को नज़र आता कब है
देखते हैं वही उस को जो नज़र रखते हैं
आशिक़ों पर है दिखाने को इताब ऐ 'जौहर'
दिल में महबूब इनायत की नज़र रखते हैं
raat din chain ham ai rashk-e-qamar rakhte haiñ
shaam avadh kī to banaras kī sahar rakhte haiñ
bhāñp hī leñge ishāra sar-e-mahfil jo kiyā
tāḌne vaale qayāmat kī nazar rakhte haiñ
DhūñDh letā maiñ agar aur kisī jā hote
kyā kahūñ aap dil-e-ġhair meñ ghar rakhte haiñ
ashk qaabū meñ nahīñ raaz chhupā.ūñ kyūñkar
dushmanī mujh se mire dīda-e-tar rakhte haiñ
kaise be-rahm haiñ sayyād ilāhī tauba
mausam-e-gul meñ mujhe kaaT ke par rakhte haiñ
kaun haiñ ham se sivā naaz uThāne vaale
sāmne aa.eñ jo dil aur jigar rakhte haiñ
dil to kyā chiiz hai patthar ho to paanī ho jaa.e
mere naale abhī itnā to asar rakhte haiñ
chaar din ke liye duniyā meñ laḌā.ī kaisī
vo bhī kyā log haiñ aapas meñ sharar rakhte haiñ
hāl-e-dil yaar ko mahfil meñ sunā.ūñ kyuuñ kar
mudda.ī kaan udhar aur idhar rakhte haiñ
jalva-e-yār kisī ko nazar aatā kab hai
dekhte haiñ vahī us ko jo nazar rakhte haiñ
āshiqoñ par hai dikhāne ko itaab ai 'jauhar'
dil meñ mahbūb ināyat kī nazar rakhte haiñ
رات دن چین ہم اے رشک قمر رکھتے ہیں
شام اودھ کی تو بنارس کی سحر رکھتے ہیں
بھانپ ہی لیں گے اشارہ سر محفل جو کیا
تاڑنے والے قیامت کی نظر رکھتے ہیں
ڈھونڈھ لیتا میں اگر اور کسی جا ہوتے
کیا کہوں آپ دل غیر میں گھر رکھتے ہیں
اشک قابو میں نہیں راز چھپاؤں کیوں کر
دشمنی مجھ سے مرے دیدۂ تر رکھتے ہیں
کیسے بے رحم ہیں صیاد الٰہی توبہ
موسم گل میں مجھے کاٹ کے پر رکھتے ہیں
کون ہیں ہم سے سوا ناز اٹھانے والے
سامنے آئیں جو دل اور جگر رکھتے ہیں
دل تو کیا چیز ہے پتھر ہو تو پانی ہو جائے
میرے نالے ابھی اتنا تو اثر رکھتے ہیں
چار دن کے لیے دنیا میں لڑائی کیسی
وہ بھی کیا لوگ ہیں آپس میں شرر رکھتے ہیں
حال دل یار کو محفل میں سناؤں کیوں کر
مدعی کان ادھر اور ادھر رکھتے ہیں
جلوۂ یار کسی کو نظر آتا کب ہے
دیکھتے ہیں وہی اس کو جو نظر رکھتے ہیں
عاشقوں پر ہے دکھانے کو عتاب اے جوہرؔ
دل میں محبوب عنایت کی نظر رکھتے ہیں