आ गया दिल जो कहीं और ही सूरत होगी
लोग देखेंगे तमाशा जो मोहब्बत होगी
दिल-लगी तर्क-ए-मोहब्बत नहीं तक़्सीर मुआफ़
होते होते मिरे क़ाबू में तबीअ'त होगी
उन के आने की ख़बर सुन के तो ये हाल हुआ
जब वो आएँगे तो फिर क्या मिरी हालत होगी
टुकड़े कर डाले कोई उस के तो मैं भी ख़ुश हूँ
दिल न होगा न मिरी जान मोहब्बत होगी
वो छुपाया करें इस बात से क्या होता है
आप सर चढ़ के पुकारेगी जो उल्फ़त होगी
ये न फ़रमाओ शब-ए-हिज्र कटेगी क्यूँकर
तुम को क्या काम जो होगी मिरी हालत होगी
मार डाला मुझे बे-मौत बड़ा काम किया
ख़ूब तारीफ़ तिरी ऐ शब-ए-फ़ुर्क़त होगी
ऐ दिल-ए-ज़ार मज़ा देख लिया उल्फ़त का
हम न कहते थे कि इस काम में ज़िल्लत होगी
ये भी कुछ बात है फिर वस्ल न हो ऐ 'जौहर'
रंज राहत से हुआ रंज से राहत होगी
aa gayā dil jo kahīñ aur hī sūrat hogī
log dekheñge tamāshā jo mohabbat hogī
dil-lagī tark-e-mohabbat nahīñ taqsīr muaaf
hote hote mire qaabū meñ tabī.at hogī
un ke aane kī ḳhabar sun ke to ye haal huā
jab vo ā.eñge to phir kyā mirī hālat hogī
TukḌe kar Daale koī us ke to maiñ bhī ḳhush huuñ
dil na hogā na mirī jaan mohabbat hogī
vo chhupāyā kareñ is baat se kyā hotā hai
aap sar chaḌh ke pukāregī jo ulfat hogī
ye na farmāo shab-e-hijr kaTegī kyūñkar
tum ko kyā kaam jo hogī mirī hālat hogī
maar Daalā mujhe be-maut baḌā kaam kiyā
ḳhuub tārīf tirī ai shab-e-furqat hogī
ai dil-e-zār maza dekh liyā ulfat kā
ham na kahte the ki is kaam meñ zillat hogī
ye bhī kuchh baat hai phir vasl na ho ai 'jauhar'
rañj rāhat se huā rañj se rāhat hogī
آ گیا دل جو کہیں اور ہی صورت ہوگی
لوگ دیکھیں گے تماشا جو محبت ہوگی
دل لگی ترک محبت نہیں تقصیر معاف
ہوتے ہوتے مرے قابو میں طبیعت ہوگی
ان کے آنے کی خبر سن کے تو یہ حال ہوا
جب وہ آئیں گے تو پھر کیا مری حالت ہوگی
ٹکڑے کر ڈالے کوئی اس کے تو میں بھی خوش ہوں
دل نہ ہوگا نہ مری جان محبت ہوگی
وہ چھپایا کریں اس بات سے کیا ہوتا ہے
آپ سر چڑھ کے پکارے گی جو الفت ہوگی
یہ نہ فرماؤ شب ہجر کٹے گی کیوں کر
تم کو کیا کام جو ہوگی مری حالت ہوگی
مار ڈالا مجھے بے موت بڑا کام کیا
خوب تعریف تری اے شب فرقت ہوگی
اے دل زار مزہ دیکھ لیا الفت کا
ہم نہ کہتے تھے کہ اس کام میں ذلت ہوگی
یہ بھی کچھ بات ہے پھر وصل نہ ہو اے جوہرؔ
رنج راحت سے ہوا رنج سے راحت ہوگی