राहबर सो गए हम-सफ़र सो गए
कौन जागेगा हम भी अगर सो गए
गेसू-ए-वक़्त अब कौन सुलझाएगा
बे-ख़बर जाग उठे बा-ख़बर सो गए
इस हक़ीक़त से इंकार मुमकिन नहीं
सो गई क़ौम जब दीदा-वर सो गए
मिट गया दिल से क्या ख़ौफ़-ए-दार-ओ-रसन
लोग फूलों पे क्या सोच कर सो गए
अपनी बर्बादियाँ अपने हाथों हुईं
जागना था हमें हम मगर सो गए
बे-घरों को तकल्लुफ़ से क्या वास्ता
नींद आई सर-ए-रहगुज़र सो गए
वो गए घर की रा'नाइयाँ भी गईं
यूँ लगा जैसे दीवार-ओ-दर सो गए
rāhbar so ga.e ham-safar so ga.e
kaun jāgegā ham bhī agar so ga.e
gesū-e-vaqt ab kaun suljhā.egā
be-ḳhabar jaag uThe bā-ḳhabar so ga.e
is haqīqat se inkār mumkin nahīñ
so ga.ī qaum jab dīda-var so ga.e
miT gayā dil se kyā ḳhauf-e-dār-o-rasan
log phūloñ pe kyā soch kar so ga.e
apnī barbādiyāñ apne hāthoñ huiiñ
jāgnā thā hameñ ham magar so ga.e
be-gharoñ ko takalluf se kyā vāsta
niiñd aa.ī sar-e-rahguzar so ga.e
vo ga.e ghar kī rā'nā.iyāñ bhī ga.iiñ
yuuñ lagā jaise dīvār-o-dar so ga.e
راہبر سو گئے ہم سفر سو گئے
کون جاگے گا ہم بھی اگر سو گئے
گیسوئے وقت اب کون سلجھائے گا
بے خبر جاگ اٹھے باخبر سو گئے
اس حقیقت سے انکار ممکن نہیں
سو گئی قوم جب دیدہ ور سو گئے
مٹ گیا دل سے کیا خوف دار و رسن
لوگ پھولوں پہ کیا سوچ کر سو گئے
اپنی بربادیاں اپنے ہاتھوں ہوئیں
جاگنا تھا ہمیں ہم مگر سو گئے
بے گھروں کو تکلف سے کیا واسطہ
نیند آئی سر رہگزر سو گئے
وہ گئے گھر کی رعنائیاں بھی گئیں
یوں لگا جیسے دیوار و در سو گئے