क़रार खो के चले बे-क़रार हो के चले
अदा अदा पे तिरी हम निसार हो के चले
रह-ए-वफ़ा में रक़ाबत के मोड़ भी हैं बहुत
ये दिल से कह दो ज़रा होशियार हो के चले
किसी के कहने पे तूफ़ाँ में डाल दी कश्ती
ख़ुदा करे कि हवा साज़गार हो के चले
हमें तो नाज़ है अपने हसीं गुनाहों पर
वो लोग और थे जो शर्मसार हो के चले
तुम्हारी अम्बरीं ज़ुल्फ़ों को छू के आई है
हवा की मौज न क्यूँ मुश्क-बार हो के चले
वो जीते-जी तो न आए मिज़ाज-पुर्सी को
जनाज़ा देखा तो साथ अश्क-बार हो के चले
नज़र ने मिल के नज़र से मिला दिया हम को
ये रब्त-ए-बाहमी अब उस्तुवार हो के चले
वो अर्ज़-ए-वस्ल पे ख़ामोश हो के बैठ गए
न आर हो के चले वो न पार हो के चले
अज़ल से 'चर्ख़'-ए-तबीअ'त शगुफ़्ता है अपनी
जो मिलने आए वो बाग़-ओ-बहार हो के चले
qarār kho ke chale be-qarār ho ke chale
adā adā pe tirī ham nisār ho ke chale
rah-e-vafā meñ raqābat ke moḌ bhī haiñ bahut
ye dil se kah do zarā hoshiyār ho ke chale
kisī ke kahne pe tūfāñ meñ Daal dī kashtī
ḳhudā kare ki havā sāzgār ho ke chale
hameñ to naaz hai apne hasīñ gunāhoñ par
vo log aur the jo sharmsār ho ke chale
tumhārī ambarīñ zulfoñ ko chhū ke aa.ī hai
havā kī mauj na kyuuñ mushk-bār ho ke chale
vo jīte-jī to na aa.e mizāj-pursī ko
janāza dekhā to saath ashk-bār ho ke chale
nazar ne mil ke nazar se milā diyā ham ko
ye rabt-e-bāhamī ab ustuvār ho ke chale
vo arz-e-vasl pe ḳhāmosh ho ke baiTh ga.e
na aar ho ke chale vo na paar ho ke chale
azal se 'charḳh'-e-tabī.at shagufta hai apnī
jo milne aa.e vo bāġh-o-bahār ho ke chale
قرار کھو کے چلے بے قرار ہو کے چلے
ادا ادا پہ تری ہم نثار ہو کے چلے
رہ وفا میں رقابت کے موڑ بھی ہیں بہت
یہ دل سے کہہ دو ذرا ہوشیار ہو کے چلے
کسی کے کہنے پہ طوفاں میں ڈال دی کشتی
خدا کرے کہ ہوا سازگار ہو کے چلے
ہمیں تو ناز ہے اپنے حسیں گناہوں پر
وہ لوگ اور تھے جو شرمسار ہو کے چلے
تمہاری عنبریں زلفوں کو چھو کے آئی ہے
ہوا کی موج نہ کیوں مشک بار ہو کے چلے
وہ جیتے جی تو نہ آئے مزاج پرسی کو
جنازہ دیکھا تو ساتھ اشک بار ہو کے چلے
نظر نے مل کے نظر سے ملا دیا ہم کو
یہ ربط باہمی اب استوار ہو کے چلے
وہ عرض وصل پہ خاموش ہو کے بیٹھ گئے
نہ آر ہو کے چلے وہ نہ پار ہو کے چلے
ازل سے چرخؔ طبیعت شگفتہ ہے اپنی
جو ملنے آئے وہ باغ و بہار ہو کے چلے