अक़्ल हैरान है रहमत का तक़ाज़ा क्या है
दिल को तक़्सीर की तर्ग़ीब तमाशा क्या है
उन्हें जब ग़ौर से देखा तो न देखा उन को
मक़्सद उस पर्दे का इक दीदा-ए-बीना क्या है
हम शहादत का जुनूँ सर में लिए फिरते हैं
हम मुजाहिद हैं हमें मौत का खटका क्या है
उड़ता फिरता हूँ मैं सहरा में बगूले की तरह
कुछ नहीं इल्म मिरा मलजा-ओ-मावा क्या है
मेरा मंशा है कि दुनिया से किनारा कर लूँ
ऐ ग़म-ए-दोस्त बता तेरा इरादा क्या है
बात पुर-पेच हँसी लब पे शिकन माथे पर
दिल समझने से है क़ासिर ये मुअ'म्मा क्या है
जो तिरी ज़ुल्फ़ पे जा कर न खिले फूल वो क्या
जो न उलझे तिरे दामन से वो काँटा क्या है
एक खिलता हुआ गुलशन है तुम्हारा पैकर
तुम तबस्सुम ही तबस्सुम हो तुम्हारा क्या है
मैं ने इक बात जो पूछी तो बिगड़ कर बोले
बद-गुमानी के सिवा आप ने सीखा क्या है
वो फ़क़ीरों को नवाज़ें न नवाज़ें ऐ 'चर्ख़'
हम दुआ दे के चले आएँगे अपना क्या है
aql hairān hai rahmat kā taqāzā kyā hai
dil ko taqsīr kī tarġhīb tamāshā kyā hai
unheñ jab ġhaur se dekhā to na dekhā un ko
maqsad us parde kā ik dīda-e-bīnā kyā hai
ham shahādat kā junūñ sar meñ liye phirte haiñ
ham mujāhid haiñ hameñ maut kā khaTkā kyā hai
uḌtā phirtā huuñ maiñ sahrā meñ bagūle kī tarah
kuchh nahīñ ilm mirā maljā-o-māvā kyā hai
merā manshā hai ki duniyā se kinārā kar luuñ
ai ġham-e-dost batā terā irāda kyā hai
baat pur-pech hañsī lab pe shikan māthe par
dil samajhne se hai qāsir ye muamma kyā hai
jo tirī zulf pe jā kar na khile phuul vo kyā
jo na uljhe tire dāman se vo kāñTā kyā hai
ek khiltā huā gulshan hai tumhārā paikar
tum tabassum hī tabassum ho tumhārā kyā hai
maiñ ne ik baat jo pūchhī to bigaḌ kar bole
bad-gumānī ke sivā aap ne sīkhā kyā hai
vo faqīroñ ko navāzeñ na navāzeñ ai 'charḳh'
ham duā de ke chale ā.eñge apnā kyā hai
عقل حیران ہے رحمت کا تقاضا کیا ہے
دل کو تقصیر کی ترغیب تماشا کیا ہے
انہیں جب غور سے دیکھا تو نہ دیکھا ان کو
مقصد اس پردے کا اک دیدۂ بینا کیا ہے
ہم شہادت کا جنوں سر میں لیے پھرتے ہیں
ہم مجاہد ہیں ہمیں موت کا کھٹکا کیا ہے
اڑتا پھرتا ہوں میں صحرا میں بگولے کی طرح
کچھ نہیں علم مرا ملجا و ماویٰ کیا ہے
میرا منشا ہے کہ دنیا سے کنارا کر لوں
اے غم دوست بتا تیرا ارادہ کیا ہے
بات پر پیچ ہنسی لب پہ شکن ماتھے پر
دل سمجھنے سے ہے قاصر یہ معمہ کیا ہے
جو تری زلف پہ جا کر نہ کھلے پھول وہ کیا
جو نہ الجھے ترے دامن سے وہ کانٹا کیا ہے
ایک کھلتا ہوا گلشن ہے تمہارا پیکر
تم تبسم ہی تبسم ہو تمہارا کیا ہے
میں نے اک بات جو پوچھی تو بگڑ کر بولے
بد گمانی کے سوا آپ نے سیکھا کیا ہے
وہ فقیروں کو نوازیں نہ نوازیں اے چرخؔ
ہم دعا دے کے چلے آئیں گے اپنا کیا ہے