क़ैद में गुज़रेगी जो उम्र बड़े काम की थी
पर मैं क्या करती कि ज़ंजीर तिरे नाम की थी
जिस के माथे पे मिरे बख़्त का तारा चमका
चाँद के डूबने की बात उसी शाम की थी
मैं ने हाथों को ही पतवार बनाया वर्ना
एक टूटी हुई कश्ती मिरे किस काम की थी
वो कहानी कि अभी सूइयाँ निकलीं भी न थीं
फ़िक्र हर शख़्स को शहज़ादी के अंजाम की थी
ये हवा कैसे उड़ा ले गई आँचल मेरा
यूँ सताने की तो आदत मिरे घनश्याम की थी
बोझ उठाते हुए फिरती है हमारा अब तक
ऐ ज़मीं-माँ तिरी ये उम्र तो आराम की थी
qaid meñ guzregī jo umr baḌe kaam kī thī
par maiñ kyā kartī ki zanjīr tire naam kī thī
jis ke māthe pe mire baḳht kā taara chamkā
chāñd ke Dūbne kī baat usī shaam kī thī
maiñ ne hāthoñ ko hī patvār banāyā varna
ek TuuTī huī kashtī mire kis kaam kī thī
vo kahānī ki abhī sūiyāñ niklīñ bhī na thiiñ
fikr har shaḳhs ko shahzādī ke anjām kī thī
ye havā kaise uḌā le ga.ī āñchal merā
yuuñ satāne kī to aadat mire ghanshyām kī thī
bojh uThāte hue phirtī hai hamārā ab tak
ai zamīñ-māñ tirī ye umr to ārām kī thī
قید میں گزرے گی جو عمر بڑے کام کی تھی
پر میں کیا کرتی کہ زنجیر ترے نام کی تھی
جس کے ماتھے پہ مرے بخت کا تارہ چمکا
چاند کے ڈوبنے کی بات اسی شام کی تھی
میں نے ہاتھوں کو ہی پتوار بنایا ورنہ
ایک ٹوٹی ہوئی کشتی مرے کس کام کی تھی
وہ کہانی کہ ابھی سوئیاں نکلیں بھی نہ تھیں
فکر ہر شخص کو شہزادی کے انجام کی تھی
یہ ہوا کیسے اڑا لے گئی آنچل میرا
یوں ستانے کی تو عادت مرے گھنشیام کی تھی
بوجھ اٹھاتے ہوئے پھرتی ہے ہمارا اب تک
اے زمیں ماں تری یہ عمر تو آرام کی تھی