पीते ही सुर्ख़ आँखें हैं मस्त-ए-शराब की
गर्मी तो देखो डूबे हुए आफ़्ताब की
रुख़ से जुदा जो हश्र में तुम ने नक़ाब की
दुनिया ये ताब लाएगी दो आफ़्ताब की
साक़ी ये रक़म सच है जो मुझ पर हिसाब की
बोतल पे हाथ रख के क़सम खा शराब की
क्या कम था हुस्न-ए-बाग़ कि ऐ बाग़बान-ए-हुस्न
इक शाख़ तू ने और लगा दी शबाब की
वो तो रहा कलीम के इसरार का जवाब
और ये जो तू ने तूर की मिट्टी ख़राब की
मूसा को उस ने सर पे चढ़ाया भी था बहुत
जल्वे ने ख़ूब तूर की मिट्टी ख़राब की
फेरो न आँखें तुम मिरे अश्कों के जोश पर
तूफ़ाँ में डूबती नहीं कश्ती हबाब की
अल्लाह उस का कुछ भी जवानी पे हक़ नहीं
बरसों दुआएँ माँगी हैं जिस ने शबाब की
रखिए मुआ'फ़ शैख़-जी मस्जिद में हज्व-ए-मय
बातें ख़ुदा के घर में न कीजे शराब की
बाग़-ए-जहाँ में और भी तुम से तो हैं मगर
हर फूल में नहीं है नज़ाकत गुलाब की
जब से गए हैं देख के तारे वो ऐ 'क़मर'
सूरत बदल गई है शब-ए-माहताब की
piite hī surḳh āñkheñ haiñ mast-e-sharāb kī
garmī to dekho Duube hue āftāb kī
ruḳh se judā jo hashr meñ tum ne naqāb kī
duniyā ye taab lā.egī do āftāb kī
saaqī ye raqm sach hai jo mujh par hisāb kī
botal pe haath rakh ke qasam khā sharāb kī
kyā kam thā husn-e-bāġh ki ai bāġhbān-e-husn
ik shāḳh tū ne aur lagā dī shabāb kī
vo to rahā kalīm ke isrār kā javāb
aur ye jo tū ne tuur kī miTTī ḳharāb kī
muusā ko us ne sar pe chaḌhāyā bhī thā bahut
jalve ne ḳhuub tuur kī miTTī ḳharāb kī
phero na āñkheñ tum mire ashkoñ ke josh par
tūfāñ meñ Dūbtī nahīñ kashtī habāb kī
allāh us kā kuchh bhī javānī pe haq nahīñ
barsoñ duā.eñ māñgī haiñ jis ne shabāb kī
rakhiye muaaf shaiḳh-jī masjid meñ hajv-e-mai
bāteñ ḳhudā ke ghar meñ na kiije sharāb kī
bāġh-e-jahāñ meñ aur bhī tum se to haiñ magar
har phuul meñ nahīñ hai nazākat gulāb kī
jab se ga.e haiñ dekh ke taare vo ai 'qamar'
sūrat badal ga.ī hai shab-e-māhtāb kī
پیتے ہی سرخ آنکھیں ہیں مست شراب کی
گرمی تو دیکھو ڈوبے ہوئے آفتاب کی
رخ سے جدا جو حشر میں تم نے نقاب کی
دنیا یہ تاب لائے گی دو آفتاب کی
ساقی یہ رقم سچ ہے جو مجھ پر حساب کی
بوتل پہ ہاتھ رکھ کے قسم کھا شراب کی
کیا کم تھا حسن باغ کہ اے باغبان حسن
اک شاخ تو نے اور لگا دی شباب کی
وہ تو رہا کلیم کے اصرار کا جواب
اور یہ جو تو نے طور کی مٹی خراب کی
موسیٰ کو اس نے سر پہ چڑھایا بھی تھا بہت
جلوے نے خوب طور کی مٹی خراب کی
پھیرو نہ آنکھیں تم مرے اشکوں کے جوش پر
طوفاں میں ڈوبتی نہیں کشتی حباب کی
اللہ اس کا کچھ بھی جوانی پہ حق نہیں
برسوں دعائیں مانگی ہیں جس نے شباب کی
رکھیے معاف شیخ جی مسجد میں ہجو مے
باتیں خدا کے گھر میں نہ کیجے شراب کی
باغ جہاں میں اور بھی تم سے تو ہیں مگر
ہر پھول میں نہیں ہے نزاکت گلاب کی
جب سے گئے ہیں دیکھ کے تارے وہ اے قمرؔ
صورت بدل گئی ہے شب ماہتاب کی