फिर दिल से आ रही है सदा उस गली में चल
शायद मिले ग़ज़ल का पता उस गली में चल
कब से नहीं हुआ है कोई शेर काम का
ये शेर की नहीं है फ़ज़ा उस गली में चल
वो बाम ओ दर वो लोग वो रुस्वाइयों के ज़ख़्म
हैं सब के सब अज़ीज़ जुदा उस गली में चल
उस फूल के बग़ैर बहुत जी उदास है
मुझ को भी साथ ले के सबा उस गली में चल
दुनिया तो चाहती है यूँही फ़ासले रहें
दुनिया के मशवरों पे न जा उस गली में चल
बे-नूर ओ बे-असर है यहाँ की सदा-ए-साज़
था उस सुकूत में भी मज़ा उस गली में चल
'जालिब' पुकारती हैं वो शोला-नवाइयाँ
ये सर्द रुत ये सर्द हवा उस गली में चल
phir dil se aa rahī hai sadā us galī meñ chal
shāyad mile ġhazal kā patā us galī meñ chal
kab se nahīñ huā hai koī sher kaam kā
ye sher kī nahīñ hai fazā us galī meñ chal
vo baam o dar vo log vo rusvā.iyoñ ke zaḳhm
haiñ sab ke sab aziiz judā us galī meñ chal
us phuul ke baġhair bahut jī udaas hai
mujh ko bhī saath le ke sabā us galī meñ chal
duniyā to chāhtī hai yūñhī fāsle raheñ
duniyā ke mashvaroñ pe na jā us galī meñ chal
be-nūr o be-asar hai yahāñ kī sadā-e-sāz
thā us sukūt meñ bhī mazā us galī meñ chal
'jālib' pukārtī haiñ vo sholā-navā.iyāñ
ye sard rut ye sard havā us galī meñ chal
پھر دل سے آ رہی ہے صدا اس گلی میں چل
شاید ملے غزل کا پتا اس گلی میں چل
کب سے نہیں ہوا ہے کوئی شعر کام کا
یہ شعر کی نہیں ہے فضا اس گلی میں چل
وہ بام و در وہ لوگ وہ رسوائیوں کے زخم
ہیں سب کے سب عزیز جدا اس گلی میں چل
اس پھول کے بغیر بہت جی اداس ہے
مجھ کو بھی ساتھ لے کے صبا اس گلی میں چل
دنیا تو چاہتی ہے یوں ہی فاصلے رہیں
دنیا کے مشوروں پہ نہ جا اس گلی میں چل
بے نور و بے اثر ہے یہاں کی صدائے ساز
تھا اس سکوت میں بھی مزا اس گلی میں چل
جالبؔ پکارتی ہیں وہ شعلہ نوائیاں
یہ سرد رت یہ سرد ہوا اس گلی میں چل