पुर्सिश-ए-ग़म का शुक्रिया क्या तुझे आगही नहीं
तेरे बग़ैर ज़िंदगी दर्द है ज़िंदगी नहीं
देख के ख़ुश्क ओ ज़र्द फूल दिल है कुछ इस तरह मलूल
जैसे मिरी ख़िज़ाँ के बाद दौर-ए-बहार ही नहीं
दौर था इक गुज़र चुका नशा था इक उतर चुका
अब वो मक़ाम है जहाँ शिकवा-ए-बे-रुख़ी नहीं
इशरत-ए-ख़ुल्द के लिए ज़ाहिद-ए-कज-नज़र झुके
मशरब-ए-इश्क़ में तो ये जुर्म है बंदगी नहीं
तेरे सिवा करूँ पसंद क्या तिरी काएनात में
दोनों जहाँ की नेमतें क़ीमत-ए-बंदगी नहीं
लाख ज़माना ज़ुल्म ढाए वक़्त न वो ख़ुदा दिखाए
जब मुझे हो यक़ीं कि तू हासिल-ए-ज़िंदगी नहीं
दिल की शगुफ़्तगी के साथ राहत-ए-मय-कदा गई
फ़ुर्सत-ए-मय-कशी तो है हसरत-ए-मय-कशी नहीं
अश्क-ए-रवाँ की आब-ओ-ताब कर न अवाम में ख़राब
अज़्मत-ए-इश्क़ को समझ गिर्या-ए-ग़म हँसी नहीं
अर्सा-ए-फ़ुर्क़त-ओ-फ़िराक़ ऐसा तवील तो न था
भूल रहे हो तुम मुझे मैं कोई अजनबी नहीं
ज़ख़्म पे ज़ख़्म खा के जी अपने लहू के घूँट पी
आह न कर लबों को सी इश्क़ है दिल-लगी नहीं
एक वो रात थी कि जब था मिरे घर वो माहताब
एक ये रात है कि अब चाँद है चाँदनी नहीं
मुज़्दा कि ना-मुराद-ए-इश्क़ तेरी ग़ज़ल का है वो रंग
वो भी पुकार उठे कि ये सेहर है शाइरी नहीं
pursish-e-ġham kā shukriya kyā tujhe āgahī nahīñ
tere baġhair zindagī dard hai zindagī nahīñ
dekh ke ḳhushk o zard phuul dil hai kuchh is tarah malūl
jaise mirī ḳhizāñ ke baad daur-e-bahār hī nahīñ
daur thā ik guzar chukā nasha thā ik utar chukā
ab vo maqām hai jahāñ shikva-e-be-ruḳhī nahīñ
ishrat-e-ḳhuld ke liye zāhid-e-kaj-nazar jhuke
mashrab-e-ishq meñ to ye jurm hai bandagī nahīñ
tere sivā karūñ pasand kyā tirī kā.enāt meñ
donoñ jahāñ kī nemateñ qīmat-e-bandagī nahīñ
laakh zamāna zulm Dhaa.e vaqt na vo ḳhudā dikhā.e
jab mujhe ho yaqīñ ki tū hāsil-e-zindagī nahīñ
dil kī shaguftagī ke saath rāhat-e-mai-kada ga.ī
fursat-e-mai-kashī to hai hasrat-e-mai-kashī nahīñ
ashk-e-ravāñ kī āb-o-tāb kar na avaam meñ ḳharāb
azmat-e-ishq ko samajh girya-e-ġham hañsī nahīñ
arsa-e-furqat-o-firāq aisā tavīl to na thā
bhuul rahe ho tum mujhe maiñ koī ajnabī nahīñ
zaḳhm pe zaḳhm khā ke jī apne lahū ke ghūñT pī
aah na kar laboñ ko sī ishq hai dil-lagī nahīñ
ek vo raat thī ki jab thā mire ghar vo māhtāb
ek ye raat hai ki ab chāñd hai chāñdnī nahīñ
muzhda ki nā-murād-e-ishq terī ġhazal kā hai vo rang
vo bhī pukār uThe ki ye sehr hai shā.irī nahīñ
پرسش غم کا شکریہ کیا تجھے آگہی نہیں
تیرے بغیر زندگی درد ہے زندگی نہیں
دیکھ کے خشک و زرد پھول دل ہے کچھ اس طرح ملول
جیسے مری خزاں کے بعد دور بہار ہی نہیں
دور تھا اک گزر چکا نشہ تھا اک اتر چکا
اب وہ مقام ہے جہاں شکوۂ بے رخی نہیں
عشرت خلد کے لیے زاہد کج نظر جھکے
مشرب عشق میں تو یہ جرم ہے بندگی نہیں
تیرے سوا کروں پسند کیا تری کائنات میں
دونوں جہاں کی نعمتیں قیمت بندگی نہیں
لاکھ زمانہ ظلم ڈھائے وقت نہ وہ خدا دکھائے
جب مجھے ہو یقیں کہ تو حاصل زندگی نہیں
دل کی شگفتگی کے ساتھ راحت مے کدہ گئی
فرصت مے کشی تو ہے حسرت مے کشی نہیں
اشک رواں کی آب و تاب کر نہ عوام میں خراب
عظمت عشق کو سمجھ گریۂ غم ہنسی نہیں
عرصۂ فرقت و فراق ایسا طویل تو نہ تھا
بھول رہے ہو تم مجھے میں کوئی اجنبی نہیں
زخم پہ زخم کھا کے جی اپنے لہو کے گھونٹ پی
آہ نہ کر لبوں کو سی عشق ہے دل لگی نہیں
ایک وہ رات تھی کہ جب تھا مرے گھر وہ ماہتاب
ایک یہ رات ہے کہ اب چاند ہے چاندنی نہیں
مژدہ کہ نا مراد عشق تیری غزل کا ہے وہ رنگ
وہ بھی پکار اٹھے کہ یہ سحر ہے شاعری نہیں