पलकों पे अश्क-ए-ग़म से चराग़ाँ किए हुए
हम हैं तुम्हारी दीद का सामाँ किए हुए
बज़्म-ए-जहाँ को हैं वो दरख़्शाँ किए हुए
हर रंग-ओ-बू में ख़ुद को नुमायाँ किए हुए
हम क्या डरेंगे गर्दिश-ए-लैल-ओ-नहार से
हम हैं तवाफ़-ए-कूचा-ए-जानाँ किए हुए
इक दिन नसीब होगी मुझे मंज़िल-ए-हयात
ज़ौक़-ए-तलब है राह को आसाँ किए हुए
दुनिया पे अब निगाह जमे भी तो क्या जमे
हुस्न-ओ-जमाल-ए-दोस्त है हैराँ किए हुए
मंज़ूर क़ैद-ए-ग़म से रिहाई नहीं हमें
हम ख़ुद हैं अपने क़ल्ब को ज़िंदाँ किए हुए
उस ने भी अपने चेहरे से पर्दा उठा दिया
देखा हमें जो चाक गरेबाँ किए हुए
दुनिया की ज़ुल्मतों को मैं बख़्शूँगा रौशनी
दिल में हूँ शम’-ए-‘इश्क़ फ़रोज़ाँ किए हुए
दिल मुतमइन है आप की निस्बत के फ़ैज़ से
हालात-ए-ज़िंदगी हैं परेशाँ किए हुए
'सादिक़' हमारी ज़ात है आईना-ए-वफ़ा
हम हैं जहान-ए-'इश्क़ का सामाँ किए हुए
palkoñ pe ashk-e-ġham se charāġhāñ kiye hue
ham haiñ tumhārī diid kā sāmāñ kiye hue
bazm-e-jahāñ ko haiñ vo daraḳhshāñ kiye hue
har rang-o-bū meñ ḳhud ko numāyāñ kiye hue
ham kyā Dareñge gardish-e-lail-o-nahār se
ham haiñ tavāf-e-kūcha-e-jānāñ kiye hue
ik din nasīb hogī mujhe manzil-e-hayāt
zauq-e-talab hai raah ko āsāñ kiye hue
duniyā pe ab nigāh jame bhī to kyā jame
husn-o-jamāl-e-dost hai hairāñ kiye hue
manzūr qaid-e-ġham se rihā.ī nahīñ hameñ
ham ḳhud haiñ apne qalb ko zindāñ kiye hue
us ne bhī apne chehre se parda uThā diyā
dekhā hameñ jo chaak garebāñ kiye hue
duniyā kī zulmatoñ ko maiñ baḳhshūñgā raushnī
dil meñ huuñ sham’-e-‘ishq farozāñ kiye hue
dil mutma.in hai aap kī nisbat ke faiz se
hālāt-e-zindagī haiñ pareshāñ kiye hue
'sādiq' hamārī zaat hai ā.īna-e-vafā
ham haiñ jahān-e-'ishq kā sāmāñ kiye hue
پلکوں پہ اشک غم سے چراغاں کیے ہوئے
ہم ہیں تمہاری دید کا ساماں کیے ہوئے
بزم جہاں کو ہیں وہ درخشاں کیے ہوئے
ہر رنگ و بو میں خود کو نمایاں کیے ہوئے
ہم کیا ڈریں گے گردش لیل و نہار سے
ہم ہیں طواف کوچۂ جاناں کیے ہوئے
اک دن نصیب ہوگی مجھے منزل حیات
ذوق طلب ہے راہ کو آساں کیے ہوئے
دنیا پہ اب نگاہ جمے بھی تو کیا جمے
حسن و جمال دوست ہے حیراں کیے ہوئے
منظور قید غم سے رہائی نہیں ہمیں
ہم خود ہیں اپنے قلب کو زنداں کیے ہوئے
اس نے بھی اپنے چہرہ سے پردہ اٹھا دیا
دیکھا ہمیں جو چاک گریباں کیے ہوئے
دنیا کی ظلمتوں کو میں بخشوں گا روشنی
دل میں ہوں شمع عشق فروزاں کیے ہوئے
دل مطمئن ہے آپ کی نسبت کے فیض سے
حالات زندگی ہیں پریشاں کیے ہوئے
صادقؔ ہماری ذات ہے آئینۂ وفا
ہم ہیں جہان عشق کا ساماں کیے ہوئے