पल पल जीने की ख़्वाहिश में कर्ब-ए-शाम-ओ-सहर माँगा
सब थे नशात-ए-नफ़ा के पीछे हम ने रंज-ए-ज़रर माँगा
अब तक जो दस्तूर-ए-जुनूँ था हम ने वही मंज़र माँगा
सहरा दिल के बराबर चाहा दरिया आँखों भर माँगा
देखना ये है अपने लहू की कितनी ऊँची है परवाज़
ऐसी तेज़ हवा में हम ने काग़ज़ का इक पर माँगा
अब्र के एहसाँ से बचना था दिल को हरा भी रखना था
हम ने इस पौदे की ख़ातिर मौज-ए-दीदा-ए-तर माँगा
कोई असासा पास नहीं और आँधी हर दिन का मामूल
हम ने भी क्या सोच समझ कर बे-दीवार का घर माँगा
खुला कि वो भी तेरी तलब का इक बेनाम तसलसुल था
दुनिया से जो भी हम ने हालात के ज़ेर-ए-असर माँगा
pal pal jiine kī ḳhvāhish meñ karb-e-shām-o-sahar māñgā
sab the nashāt-e-nafā ke pīchhe ham ne ranj-e-zarar māñgā
ab tak jo dastūr-e-junūñ thā ham ne vahī manzar māñgā
sahrā dil ke barābar chāhā dariyā āñkhoñ bhar māñgā
dekhnā ye hai apne lahū kī kitnī ūñchī hai parvāz
aisī tez havā meñ ham ne kāġhaz kā ik par māñgā
abr ke ehsāñ se bachnā thā dil ko harā bhī rakhnā thā
ham ne is paude kī ḳhātir mauj-e-dīda-e-tar māñgā
koī asāsa paas nahīñ aur āñdhī har din kā māmūl
ham ne bhī kyā soch samajh kar be-dīvār kā ghar māñgā
khulā ki vo bhī terī talab kā ik benām tasalsul thā
duniyā se jo bhī ham ne hālāt ke zer-e-asar māñgā
پل پل جینے کی خواہش میں کرب شام و سحر مانگا
سب تھے نشاط نفع کے پیچھے ہم نے رنج ضرر مانگا
اب تک جو دستور جنوں تھا ہم نے وہی منظر مانگا
صحرا دل کے برابر چاہا دریا آنکھوں بھر مانگا
دیکھنا یہ ہے اپنے لہو کی کتنی اونچی ہے پرواز
ایسی تیز ہوا میں ہم نے کاغذ کا اک پر مانگا
ابر کے احساں سے بچنا تھا دل کو ہرا بھی رکھنا تھا
ہم نے اس پودے کی خاطر موج دیدۂ تر مانگا
کوئی اثاثہ پاس نہیں اور آندھی ہر دن کا معمول
ہم نے بھی کیا سوچ سمجھ کر بے دیوار کا گھر مانگا
کھلا کہ وہ بھی تیری طلب کا اک بے نام تسلسل تھا
دنیا سے جو بھی ہم نے حالات کے زیر اثر مانگا