पहले तो शहर भर में अंधेरा किया गया
फिर हम से रौशनी का तक़ाज़ा किया गया
पहले तो साज़िशों से हमें दी गई शिकस्त
फिर ख़ूब इस शिकस्त का चर्चा किया गया
इक शख़्स के लिए मिरी बस्ती का रास्ता
कच्चे मकाँ गिरा के कुशादा किया गया
पहले तो मुझ को राह बताई गई ग़लत
फिर मेरी गुमरही का तमाशा किया गया
दुनिया न थी जो प्यार के क़ाबिल तो किस लिए
हम को असीर-ए-ख़्वाहिश-ए-दुनिया किया गया
इस गुलशन-ए-हयात में रंग-ए-ख़िज़ाँ के साथ
इक मौसम-ए-बहार भी पैदा किया गया
आँखों को आँसुओं के जवाहर दिए गए
दिल के सिपुर्द ग़म का ख़ज़ाना किया गया
दुनिया हमारे क़त्ल को कहती है ख़ुद-कुशी
मरने के बा'द भी हमें रुस्वा किया गया
'शाहिद' लिखा गया था हमारे ही ख़ून से
तसनीफ़ जब वफ़ा का सहीफ़ा किया गया
pahle to shahr bhar meñ añdherā kiyā gayā
phir ham se raushnī kā taqāzā kiyā gayā
pahle to sāzishoñ se hameñ dī ga.ī shikast
phir ḳhuub is shikast kā charchā kiyā gayā
ik shaḳhs ke liye mirī bastī kā rāsta
kachche makāñ girā ke kushāda kiyā gayā
pahle to mujh ko raah batā.ī ga.ī ġhalat
phir merī gumrahī kā tamāshā kiyā gayā
duniyā na thī jo pyaar ke qābil to kis liye
ham ko asīr-e-ḳhvāhish-e-duniyā kiyā gayā
is gulshan-e-hayāt meñ rañg-e-ḳhizāñ ke saath
ik mausam-e-bahār bhī paidā kiyā gayā
āñkhoñ ko āñsuoñ ke javāhar diye ga.e
dil ke sipurd ġham kā ḳhazāna kiyā gayā
duniyā hamāre qatl ko kahtī hai ḳhud-kushī
marne ke baa'd bhī hameñ rusvā kiyā gayā
'shāhid' likhā gayā thā hamāre hī ḳhuun se
tasnīf jab vafā kā sahīfa kiyā gayā
پہلے تو شہر بھر میں اندھیرا کیا گیا
پھر ہم سے روشنی کا تقاضا کیا گیا
پہلے تو سازشوں سے ہمیں دی گئی شکست
پھر خوب اس شکست کا چرچا کیا گیا
اک شخص کے لیے مری بستی کا راستہ
کچے مکاں گرا کے کشادہ کیا گیا
پہلے تو مجھ کو راہ بتائی گئی غلط
پھر میری گمرہی کا تماشا کیا گیا
دنیا نہ تھی جو پیار کے قابل تو کس لیے
ہم کو اسیر خواہش دنیا کیا گیا
اس گلشن حیات میں رنگ خزاں کے ساتھ
اک موسم بہار بھی پیدا کیا گیا
آنکھوں کو آنسوؤں کے جواہر دئے گئے
دل کے سپرد غم کا خزانہ کیا گیا
دنیا ہمارے قتل کو کہتی ہے خود کشی
مرنے کے بعد بھی ہمیں رسوا کیا گیا
شاہدؔ لکھا گیا تھا ہمارے ہی خون سے
تصنیف جب وفا کا صحیفہ کیا گیا