पए-गुल-गश्त सुना है कि वो आज आते हैं
फूलों की भी ये ख़ुशी है कि खिले जाते हैं
बहर-ए-तस्कीन-ए-दिल अहबाब ये फ़रमाते हैं
आप कहिए तो अभी जा के बुला लाते हैं
गुदगुदी कर के हँसाते हैं जो ग़श में अहबाब
किस के रूमाल से तलवे मिरे सहलाते हैं
आप के होते किसी और को चाहूँ तौबा
किस तरफ़ ध्यान है क्या आप ये फ़रमाते हैं
मेरी ही जान के दुश्मन हैं नसीहत वाले
मुझ को समझाते हैं उन को नहीं समझाते हैं
बुलबुलो बाग़ में ग़ाफ़िल न कहीं हो जाना
हर तरफ़ घात में सय्याद नज़र आते हैं
ख़ूब पहचान लिया हम ने तुम्हें दिल दे कर
सच कहा है कि जो खोते हैं वही पाते हैं
मुझ को बावर नहीं सच सच ये बता दे हमदम
तू ने किस से ये सुना है कि वो आज आते हैं
क्या दिल ओ दीदा भी हरकारे हैं सुब्हान-अल्लाह
लाख पर्दों में कोई हो ये ख़बर लाते हैं
देख अच्छा नहीं 'जौहर' कहीं माइल होना
जब भी समझाते थे अब भी तुझे समझाते हैं
pa.e-gul-gasht sunā hai ki vo aaj aate haiñ
phūloñ kī bhī ye ḳhushī hai ki khile jaate haiñ
bahr-e-taskīn-e-dil ahbāb ye farmāte haiñ
aap kahiye to abhī jā ke bulā laate haiñ
gudgudī kar ke hañsāte haiñ jo ġhash meñ ahbāb
kis ke rūmāl se talve mire sahlāte haiñ
aap ke hote kisī aur ko chāhūñ tauba
kis taraf dhyān hai kyā aap ye farmāte haiñ
merī hī jaan ke dushman haiñ nasīhat vaale
mujh ko samjhāte haiñ un ko nahīñ samjhāte haiñ
bulbulo baaġh meñ ġhāfil na kahīñ ho jaanā
har taraf ghaat meñ sayyād nazar aate haiñ
ḳhuub pahchān liyā ham ne tumheñ dil de kar
sach kahā hai ki jo khote haiñ vahī paate haiñ
mujh ko bāvar nahīñ sach sach ye batā de hamdam
tū ne kis se ye sunā hai ki vo aaj aate haiñ
kyā dil o diida bhī harkāre haiñ sub.hān-allāh
laakh pardoñ meñ koī ho ye ḳhabar laate haiñ
dekh achchhā nahīñ 'jauhar' kahīñ maa.il honā
jab bhī samjhāte the ab bhī tujhe samjhāte haiñ
پئے گل گشت سنا ہے کہ وہ آج آتے ہیں
پھولوں کی بھی یہ خوشی ہے کہ کھلے جاتے ہیں
بہر تسکین دل احباب یہ فرماتے ہیں
آپ کہیے تو ابھی جا کے بلا لاتے ہیں
گدگدی کر کے ہنساتے ہیں جو غش میں احباب
کس کے رومال سے تلوے مرے سہلاتے ہیں
آپ کے ہوتے کسی اور کو چاہوں توبہ
کس طرف دھیان ہے کیا آپ یہ فرماتے ہیں
میری ہی جان کے دشمن ہیں نصیحت والے
مجھ کو سمجھاتے ہیں ان کو نہیں سمجھاتے ہیں
بلبلو باغ میں غافل نہ کہیں ہو جانا
ہر طرف گھات میں صیاد نظر آتے ہیں
خوب پہچان لیا ہم نے تمہیں دل دے کر
سچ کہا ہے کہ جو کھوتے ہیں وہی پاتے ہیں
مجھ کو باور نہیں سچ سچ یہ بتا دے ہم دم
تو نے کس سے یہ سنا ہے کہ وہ آج آتے ہیں
کیا دل و دیدہ بھی ہرکارے ہیں سبحان اللہ
لاکھ پردوں میں کوئی ہو یہ خبر لاتے ہیں
دیکھ اچھا نہیں جوہرؔ کہیں مائل ہونا
جب بھی سمجھاتے تھے اب بھی تجھے سمجھاتے ہیں