पा-ब-ज़ंजीर सही ज़मज़मा-ख़्वाँ हैं हम लोग
महफ़िल-ए-वक़्त तिरी रूह-ए-रवाँ हैं हम लोग
दोश पर बार-ए-शब-ए-ग़म लिए गुल की मानिंद
कौन समझे कि मोहब्बत की ज़बाँ हैं हम लोग
ख़ूब पाया है सिला तेरी परस्तारी का
देख ऐ सुब्ह-ए-तरब आज कहाँ हैं हम लोग
इक मता'-ए-दिल-ओ-जाँ पास थी सो हार चुके
हाए ये वक़्त कि अब ख़ुद पे गराँ हैं हम लोग
निकहत-ए-गुल की तरह नाज़ से चलने वालो
हम भी कहते थे कि आसूदा-ए-जाँ हैं हम लोग
कोई बतलाए कि कैसे ये ख़बर 'आम करें
ढूँडती है जिसे दुनिया वो निशाँ हैं हम लोग
क़िस्मत-ए-शब-ज़दगाँ जाग ही जाएगी 'अलीम'
जरस-ए-क़ाफ़िला-ए-ख़ुश-ख़बराँ हैं हम लोग
pā-ba-zanjīr sahī zamzama-ḳhvāñ haiñ ham log
mahfil-e-vaqt tirī rūh-e-ravāñ haiñ ham log
dosh par bār-e-shab-e-ġham liye gul kī mānind
kaun samjhe ki mohabbat kī zabāñ haiñ ham log
ḳhuub paayā hai sila terī parastārī kā
dekh ai sub.h-e-tarab aaj kahāñ haiñ ham log
ik matā'-e-dil-o-jāñ paas thī so haar chuke
haa.e ye vaqt ki ab ḳhud pe garāñ haiñ ham log
nik.hat-e-gul kī tarah naaz se chalne vaalo
ham bhī kahte the ki āsūda-e-jāñ haiñ ham log
koī batlā.e ki kaise ye ḳhabar 'aam kareñ
DhūñDtī hai jise duniyā vo nishāñ haiñ ham log
qismat-e-shab-zadagāñ jaag hī jā.egī 'alīm'
jaras-e-qāfila-e-ḳhush-ḳhabarāñ haiñ ham log
پا بہ زنجیر سہی زمزمہ خواں ہیں ہم لوگ
محفل وقت تری روح رواں ہیں ہم لوگ
دوش پر بار شب غم لئے گل کی مانند
کون سمجھے کہ محبت کی زباں ہیں ہم لوگ
خوب پایا ہے صلہ تیری پرستاری کا
دیکھ اے صبح طرب آج کہاں ہیں ہم لوگ
اک متاع دل و جاں پاس تھی سو ہار چکے
ہائے یہ وقت کہ اب خود پہ گراں ہیں ہم لوگ
نکہت گل کی طرح ناز سے چلنے والو
ہم بھی کہتے تھے کہ آسودۂ جاں ہیں ہم لوگ
کوئی بتلائے کہ کیسے یہ خبر عام کریں
ڈھونڈتی ہے جسے دنیا وہ نشاں ہیں ہم لوگ
قسمت شب زدگاں جاگ ہی جائے گی علیمؔ
جرس قافلۂ خوش خبراں ہیں ہم لوگ