निगार-ए-सुब्ह की उम्मीद में पिघलते हुए
चराग़ ख़ुद को नहीं देखता है जलते हुए
वो हुस्न उस का बयाँ क्या करे जो देखता हो
हर इक अदा के कई क़द नए निकलते हुए
वो मौज-ए-मय-कदा-ए-रंग है बदन उस का
कि हैं तलातुम-ए-मय से सुबू उछलते हुए
तो ज़र्रा ज़र्रा उस आलम का है ज़ुलेख़ा सिफ़त
चले जो दश्त-ए-बला में कोई सँभलते हुए
ये रूह खींचती चली जा रही है किस की तरफ़
ये पाँव क्यूँ नहीं थकते हमारे चलते हुए
उसी के नाम की ख़ुशबू से साँस चलती रहे
उसी का नाम ज़बाँ पर हो दम निकलते हुए
ख़याल ओ ख़्वाब के क्या क्या न सिलसिले निकले
चराग़ जलते हुए आफ़्ताब ढलते हुए
अँधेरे हैं यहाँ सूरज के नाम पर रौशन
उजालों से यहाँ देखे हैं लोग जलते हुए
उतार इन में कोई अपनी रौशनी या रब
कि लोग थक गए ज़ुल्मत से अब बहलते हुए
वो आ रहे हैं ज़माने कि तुम भी देखोगे
ख़ुदा के हाथ से इंसान को बदलते हुए
वो सुब्ह होगी तो फ़िरऔन फिर न गुज़़रेंगे
दिलों को रौंदते इंसान को मसलते हुए
nigār-e-sub.h kī ummīd meñ pighalte hue
charāġh ḳhud ko nahīñ dekhtā hai jalte hue
vo husn us kā bayāñ kyā kare jo dekhtā ho
har ik adā ke ka.ī qad na.e nikalte hue
vo mauj-e-mai-kada-e-rañg hai badan us kā
ki haiñ talātum-e-mai se subū uchhalte hue
to zarra zarra us aalam kā hai zuleḳhā sifat
chale jo dasht-e-balā meñ koī sambhalte hue
ye ruuh khīñchtī chalī jā rahī hai kis kī taraf
ye paañv kyuuñ nahīñ thakte hamāre chalte hue
usī ke naam kī ḳhushbū se saañs chaltī rahe
usī kā naam zabāñ par ho dam nikalte hue
ḳhayāl o ḳhvāb ke kyā kyā na silsile nikle
charāġh jalte hue āftāb Dhalte hue
añdhere haiñ yahāñ sūraj ke naam par raushan
ujāloñ se yahāñ dekhe haiñ log jalte hue
utaar in meñ koī apnī raushnī yā rab
ki log thak ga.e zulmat se ab bahalte hue
vo aa rahe haiñ zamāne ki tum bhī dekhoge
ḳhudā ke haath se insān ko badalte hue
vo sub.h hogī to fir.aun phir na guzreñge
diloñ ko rauñdte insān ko masalte hue
نگار صبح کی امید میں پگھلتے ہوئے
چراغ خود کو نہیں دیکھتا ہے جلتے ہوئے
وہ حسن اس کا بیاں کیا کرے جو دیکھتا ہو
ہر اک ادا کے کئی قد نئے نکلتے ہوئے
وہ موج مے کدۂ رنگ ہے بدن اس کا
کہ ہیں تلاطم مئے سے سبو اچھلتے ہوئے
تو ذرہ ذرہ اس عالم کا ہے زلیخا صفت
چلے جو دشت بلا میں کوئی سنبھلتے ہوئے
یہ روح کھینچتی چلی جا رہی ہے کس کی طرف
یہ پاؤں کیوں نہیں تھکتے ہمارے چلتے ہوئے
اسی کے نام کی خوشبو سے سانس چلتی رہے
اسی کا نام زباں پر ہو دم نکلتے ہوئے
خیال و خواب کے کیا کیا نہ سلسلے نکلے
چراغ جلتے ہوئے آفتاب ڈھلتے ہوئے
اندھیرے ہیں یہاں سورج کے نام پر روشن
اجالوں سے یہاں دیکھے ہیں لوگ جلتے ہوئے
اتار ان میں کوئی اپنی روشنی یا رب
کہ لوگ تھک گئے ظلمت سے اب بہلتے ہوئے
وہ آ رہے ہیں زمانے کہ تم بھی دیکھو گے
خدا کے ہاتھ سے انسان کو بدلتے ہوئے
وہ صبح ہوگی تو فرعون پھر نہ گزریں گے
دلوں کو روندتے انسان کو مسلتے ہوئے