निगाह-ए-हुस्न-ए-मुजस्सम अदा को छूते ही
गँवाए होश भी उस दिलरुबा को छूते ही
तमाम फूल महकने लगे हैं खिल खिल कर
चमन में शोख़ी-ए-बाद-ए-सबा को छूते ही
मशाम-ए-जाँ में अजब है सुरूर का आलम
तसव्वुरात में ज़ुल्फ़-ए-दोता को छूते ही
निगाह-ए-शौक़ की सब उँगलियाँ सुलग उट्ठीं
गुलाब जिस्म की रंगीं क़बा को छूते ही
नज़र को हेच नज़र आए सब हसीं मंज़र
बस इक शुआ-ए-रुख़-ए-जाँ-फ़ज़ा को छूते ही
जो आँसुओं से हुई बा-वज़ू अकेले में
दर-ए-क़ुबूल खुला उस दुआ को छूते ही
नहाईं शिद्दत-ए-एहसास के उजाले में
समाअतें मिरे सोज़-ए-नवा को छूते ही
हिसार-ए-ज़ब्त जो टूटा तो आँख भर आई
दयार-ए-ग़ैर में इक आश्ना को छूते ही
लहू में डूब के काँटे बने चराग़ 'ज़फ़र'
रह-ए-वफ़ा में हम आशुफ़्ता-पा को छूते ही
nigāh-e-husn-e-mujassam adā ko chhūte hī
gañvā.e hosh bhī us dilrubā ko chhūte hī
tamām phuul mahakne lage haiñ khil khil kar
chaman meñ shoḳhi-e-bād-e-sabā ko chhūte hī
mashām-e-jāñ meñ ajab hai surūr kā aalam
tasavvurāt meñ zulf-e-dotā ko chhūte hī
nigāh-e-shauq kī sab uñgliyāñ sulag uTThīñ
gulāb jism kī rañgīñ qabā ko chhūte hī
nazar ko hech nazar aa.e sab hasīñ manzar
bas ik shuā-e-ruḳh-e-jāñ-fazā ko chhūte hī
jo āñsuoñ se huī bā-vazū akele meñ
dar-e-qubūl khulā us duā ko chhūte hī
nahā.īñ shiddat-e-ehsās ke ujāle meñ
samā.ateñ mire soz-e-navā ko chhūte hī
hisār-e-zabt jo TuuTā to aañkh bhar aa.ī
dayār-e-ġhair meñ ik āshnā ko chhūte hī
lahū meñ Duub ke kāñTe bane charāġh 'zafar'
rah-e-vafā meñ ham āshufta-pā ko chhūte hī
نگاہ حسن مجسم ادا کو چھوتے ہی
گنوائے ہوش بھی اس دل ربا کو چھوتے ہی
تمام پھول مہکنے لگے ہیں کھل کھل کر
چمن میں شوخی باد صبا کو چھوتے ہی
مشام جاں میں عجب ہے سرور کا عالم
تصورات میں زلف دوتا کو چھوتے ہی
نگاہ شوق کی سب انگلیاں سلگ اٹھیں
گلاب جسم کی رنگیں قبا کو چھوتے ہی
نظر کو ہیچ نظر آئے سب حسیں منظر
بس اک شعاع رخ جاں فزا کو چھوتے ہی
جو آنسووں سے ہوئی با وضو اکیلے میں
در قبول کھلا اس دعا کو چھوتے ہی
نہائیں شدت احساس کے اجالے میں
سماعتیں مرے سوز نوا کو چھوتے ہی
حصار ضبط جو ٹوٹا تو آنکھ بھر آئی
دیار غیر میں اک آشنا کو چھوتے ہی
لہو میں ڈوب کے کانٹے بنے چراغ ظفرؔ
رہ وفا میں ہم آشفتہ پا کو چھوتے ہی