बे-क़नाअत क़ाफ़िले हिर्स-ओ-हवा ओढ़े हुए
मंज़िलें भी क्यूँ न हों फिर फ़ासला ओढ़े हुए
इस क़दर ख़िल्क़त मगर है मौत को फ़ुर्सत बहुत
हर बशर है आज ख़ुद अपनी क़ज़ा ओढ़े हुए
उन के बातिन में मिला शैतान ही मसनद-नशीं
जो ब-ज़ाहिर थे बहुत नाम-ए-ख़ुदा ओढ़े हुए
क्या करे कोई किसी से पुर्सिश-ए-अहवाल भी
आज सब हैं अपनी अपनी कर्बला ओढ़े हुए
क्या ख़बर किस मोड़ पर बिखरे मता-ए-एहतियात
पत्थरों के शहर में हूँ आईना ओढ़े हुए
सब दिलासे उस के झूटे उस के सब वादे फ़रेब
कब तक आख़िर हम रहें सब्र-ओ-रज़ा ओढ़े हुए
क्यूँ तज़बज़ुब में न हों इस दौर के अहल-ए-नज़र
गुमरही है आगही का फ़ल्सफ़ा ओढ़े हुए
उँगलियाँ मजरूह हो जाएँगी रहना दूर दूर
ख़ार भी हैं इन दिनों गुल की रिदा ओढ़े हुए
ढाल उस की बन गई है सब बलाओं के ख़िलाफ़
घर से जो निकला बुज़ुर्गों की दुआ ओढ़े हुए
बख़्शिशों से जिस की ख़ास ओ आम सब थे फ़ैज़-याब
हम भी थे उस बज़्म में लेकिन अना ओढ़े हुए
फ़स्ल-ए-गुल आई तो वीराने भी महके हर तरफ़
आज ख़ुद ख़ुशबू को थी बाद-ए-सबा ओढ़े हुए
इक ज़मीं ही तंग क्या थी उस से जब बिछड़े 'ज़फ़र'
आसमाँ भी था ग़ज़ब-परवर घटा ओढ़े हुए
be-qanā.at qāfile hirs-o-havā oḌhe hue
manzileñ bhī kyuuñ na hoñ phir fāsla oḌhe hue
is qadar ḳhilqat magar hai maut ko fursat bahut
har bashar hai aaj ḳhud apnī qazā oḌhe hue
un ke bātin meñ milā shaitān hī masnad-nashīñ
jo ba-zāhir the bahut nām-e-ḳhudā oḌhe hue
kyā kare koī kisī se pursish-e-ahvāl bhī
aaj sab haiñ apnī apnī karbalā oḌhe hue
kyā ḳhabar kis moḌ par bikhre matā-e-ehtiyāt
pattharoñ ke shahr meñ huuñ ā.īna oḌhe hue
sab dilāse us ke jhūTe us ke sab vaade fareb
kab tak āḳhir ham raheñ sabr-o-razā oḌhe hue
kyuuñ tazabzub meñ na hoñ is daur ke ahl-e-nazar
gumrahī hai āgahī kā falsafa oḌhe hue
uñgliyāñ majrūh ho jā.eñgī rahnā duur duur
ḳhaar bhī haiñ in dinoñ gul kī ridā oḌhe hue
Dhaal us kī ban ga.ī hai sab balāoñ ke ḳhilāf
ghar se jo niklā buzurgoñ kī duā oḌhe hue
baḳhshishoñ se jis kī ḳhaas o aam sab the faiz-yāb
ham bhī the us bazm meñ lekin anā oḌhe hue
fasl-e-gul aa.ī to vīrāne bhī mahke har taraf
aaj ḳhud ḳhushbū ko thī bād-e-sabā oḌhe hue
ik zamīñ hī tañg kyā thī us se jab bichhḌe 'zafar'
āsmāñ bhī thā ġhazab-parvar ghaTā oḌhe hue
بے قناعت قافلے حرص و ہوا اوڑھے ہوئے
منزلیں بھی کیوں نہ ہوں پھر فاصلہ اوڑھے ہوئے
اس قدر خلقت مگر ہے موت کو فرصت بہت
ہر بشر ہے آج خود اپنی قضا اوڑھے ہوئے
ان کے باطن میں ملا شیطان ہی مسند نشیں
جو بظاہر تھے بہت نام خدا اوڑھے ہوئے
کیا کرے کوئی کسی سے پرسش احوال بھی
آج سب ہیں اپنی اپنی کربلا اوڑھے ہوئے
کیا خبر کس موڑ پر بکھرے متاع احتیاط
پتھروں کے شہر میں ہوں آئینہ اوڑھے ہوئے
سب دلاسے اس کے جھوٹے اس کے سب وعدے فریب
کب تک آخر ہم رہیں صبر و رضا اوڑھے ہوئے
کیوں تذبذب میں نہ ہوں اس دور کے اہل نظر
گمرہی ہے آگہی کا فلسفہ اوڑھے ہوئے
انگلیاں مجروح ہو جائیں گی رہنا دور دور
خار بھی ہیں ان دنوں گل کی ردا اوڑھے ہوئے
ڈھال اس کی بن گئی ہے سب بلاؤں کے خلاف
گھر سے جو نکلا بزرگوں کی دعا اوڑھے ہوئے
بخششوں سے جس کی خاص و عام سب تھے فیض یاب
ہم بھی تھے اس بزم میں لیکن انا اوڑھے ہوئے
فصل گل آئی تو ویرانے بھی مہکے ہر طرف
آج خود خوشبو کو تھی باد صبا اوڑھے ہوئے
اک زمیں ہی تنگ کیا تھی اس سے جب بچھڑے ظفرؔ
آسماں بھی تھا غضب پرور گھٹا اوڑھے ہوئے