हर शुऊर-ओ-फ़िक्र-ए-नादीदा पस-ए-दीवार-ए-हर्फ़
हैं नए मफ़्हूम पोशीदा पस-ए-दीवार-ए-हर्फ़
हैं ग़ज़ल-सूरत बहुत यूँ तो चमकते आइने
मा'नवी पैकर हैं बोसीदा पस-ए-दीवार-ए-हर्फ़
जिस्म के ज़ख़्मों को गर दिलकश क़बा से ढक लिया
रूह के हैं ज़ख़्म दुज़्दीदा पस-ए-दीवार-ए-हर्फ़
ख़ुश्क चट्टानों की सूरत ईस्तादा थे जो लोग
अक्सर उन में भी थे नम-दीदा पस-ए-दीवार-ए-हर्फ़
हैं फ़राज़-ए-हर्फ़ पर भी उस की 'अज़्मत के निशाँ
सतवत-ए-ग़ालिब है पोशीदा पस-ए-दीवार-ए-हर्फ़
फ़ख़्र है जिन को ख़ुद अपनी ख़ुश-बयानी पर 'ज़फ़र'
है ज़बाँ उन की भी लग़ज़ीदा पस-ए-दीवार-ए-हर्फ़
har shu.ūr-o-fikr-e-nā-dīda pas-e-dīvār-e-harf
haiñ na.e mafhūm poshīda pas-e-dīvār-e-harf
haiñ ġhazal-sūrat bahut yuuñ to chamakte aa.ine
mā'navī paikar haiñ bosīda pas-e-dīvār-e-harf
jism ke zaḳhmoñ ko gar dilkash qabā se Dhak liyā
ruuh ke haiñ zaḳhm duzdīda pas-e-dīvār-e-harf
ḳhushk chaTTānoñ kī sūrat īstāda the jo log
aksar un meñ bhī the nam-dīda pas-e-dīvār-e-harf
haiñ farāz-e-harf par bhī us kī 'azmat ke nishāñ
satvat-e-ġhālib hai poshīda pas-e-dīvār-e-harf
faḳhr hai jin ko ḳhud apnī ḳhush-bayānī par 'zafar'
hai zabāñ un kī bhī laġhzīda pas-e-dīvār-e-harf
ہر شعور و فکر نا دیدہ پس دیوار حرف
ہیں نئے مفہوم پوشیدہ پس دیوار حرف
ہیں غزل صورت بہت یوں تو چمکتے آئنے
معنوی پیکر ہیں بوسیدہ پس دیوار حرف
جسم کے زخموں کو گر دل کش قبا سے ڈھک لیا
روح کے ہیں زخم دزدیدہ پس دیوار حرف
خشک چٹانوں کی صورت ایستادہ تھے جو لوگ
اکثر ان میں بھی تھے نم دیدہ پس دیوار حرف
ہیں فراز حرف پر بھی اس کی عظمت کے نشاں
سطوت غالب ہے پوشیدہ پس دیوار حرف
فخر ہے جن کو خود اپنی خوش بیانی پر ظفرؔ
ہے زباں ان کی بھی لغزیدہ پس دیوار حرف