नज़र फ़रेब-ए-क़ज़ा खा गई तो क्या होगा
हयात मौत से टकरा गई तो क्या होगा
ब-ज़ोम-ए-होश तजल्ली की जुस्तुजू बे-सूद
जुनूँ की ज़द पे ख़िरद आ गई तो क्या होगा
नई सहर के बहुत लोग मुंतज़िर हैं मगर
नई सहर भी जो कजला गई तो क्या होगा
न रहनुमाओं की मज्लिस में ले चलो मुझ को
मैं बे-अदब हूँ हँसी आ गई तो क्या होगा
शबाब-ए-लाला-ओ-गुल को पुकारने वालो
ख़िज़ाँ-सरिश्त बहार आ गई तो क्या होगा
ख़ुशी छनी है तो ग़म का भी ए'तिमाद न कर
जो रूह ग़म से भी उकता गई तो क्या होगा
ये फ़िक्र कर कि इन आसूदगी के धोकों में
तिरी ख़ुदी को भी मौत आ गई तो क्या होगा
लरज़ रहे हैं जिगर जिस से कोहसारों के
अगर वो लहर यहाँ आ गई तो क्या होगा
वो मौत जिस की हम 'एहसान' सुन रहे हैं ख़बर
रुमूज़-ए-ज़ीस्त भी समझा गई तो क्या होगा
nazar fareb-e-qazā khā ga.ī to kyā hogā
hayāt maut se Takrā ga.ī to kyā hogā
ba-zom-e-hosh tajallī kī justujū be-sūd
junūñ kī zad pe ḳhirad aa ga.ī to kyā hogā
na.ī sahar ke bahut log muntazir haiñ magar
na.ī sahar bhī jo kajlā ga.ī to kyā hogā
na rahnumāoñ kī majlis meñ le chalo mujh ko
maiñ be-adab huuñ hañsī aa ga.ī to kyā hogā
shabāb-e-lāl-o-gul ko pukārne vaalo
ḳhizāñ-sarisht bahār aa ga.ī to kyā hogā
ḳhushī chhanī hai to ġham kā bhī e'timād na kar
jo ruuh ġham se bhī uktā ga.ī to kyā hogā
ye fikr kar ki in āsūdgī ke dhokoñ meñ
tirī ḳhudī ko bhī maut aa ga.ī to kyā hogā
laraz rahe haiñ jigar jis se kohsāroñ ke
agar vo lahr yahāñ aa ga.ī to kyā hogā
vo maut jis kī ham 'ehsān' sun rahe haiñ ḳhabar
rumūz-e-zīst bhī samjhā ga.ī to kyā hogā
نظر فریب قضا کھا گئی تو کیا ہوگا
حیات موت سے ٹکرا گئی تو کیا ہوگا
بزعم ہوش تجلی کی جستجو بے سود
جنوں کی زد پہ خرد آ گئی تو کیا ہوگا
نئی سحر کے بہت لوگ منتظر ہیں مگر
نئی سحر بھی جو کجلا گئی تو کیا ہوگا
نہ رہنماؤں کی مجلس میں لے چلو مجھ کو
میں بے ادب ہوں ہنسی آ گئی تو کیا ہوگا
شباب لالہ و گل کو پکارنے والو
خزاں سرشت بہار آ گئی تو کیا ہوگا
خوشی چھنی ہے تو غم کا بھی اعتماد نہ کر
جو روح غم سے بھی اکتا گئی تو کیا ہوگا
یہ فکر کر کہ ان آسودگی کے دھوکوں میں
تری خودی کو بھی موت آ گئی تو کیا ہوگا
لرز رہے ہیں جگر جس سے کوہساروں کے
اگر وہ لہر یہاں آ گئی تو کیا ہوگا
وہ موت جس کی ہم احسانؔ سن رہے ہیں خبر
رموز زیست بھی سمجھا گئی تو کیا ہوگا