नौ-गिरफ़्तार-ए-मोहब्बत कभी आज़ाद न हो
क़ैद में क़ैद रहे क़ैद की मीआ'द न हो
मैं तो ख़ामोश रहूँ हिज्र में डर है लेकिन
दर्द उठ कर कहीं आमादा-ए-फ़रियाद न हो
तुम में पिन्हाँ हैं मोहब्बत के हज़ारों जल्वे
ऐ मिरी ख़ाक के ज़र्रो कहीं बरबाद न हो
कुछ हैं बिखरे हुए पर कुंज-ए-क़फ़स के बाहर
ख़ौफ़ है और भी रुस्वा कहीं सय्याद न हो
फूट कर किस के ये रोने की सदा आती है
दर्द-ए-उल्फ़त कहीं मेरा दिल-ए-नाशाद न हो
दिल की ईज़ा-तलबी पूछ लूँ क्या कहती है
ठहरो ठहरो अभी दम-भर कोई बेदाद न हो
'शौक़' कर दूँ जो बयाँ काविश-ए-ग़म की हालत
अपना क़िस्सा भी कम-अज़ क़िस्सा-ए-फ़रहाद न हो
nau-giraftār-e-mohabbat kabhī āzād na ho
qaid meñ qaid rahe qaid kī mī.ād na ho
maiñ to ḳhāmosh rahūñ hijr meñ Dar hai lekin
dard uTh kar kahīñ āmāda-e-fariyād na ho
tum meñ pinhāñ haiñ mohabbat ke hazāroñ jalve
ai mirī ḳhaak ke zarro kahīñ barbād na ho
kuchh haiñ bikhre hue par kunj-e-qafas ke bāhar
ḳhauf hai aur bhī rusvā kahīñ sayyād na ho
phuuT kar kis ke ye rone kī sadā aatī hai
dard-e-ulfat kahīñ merā dil-e-nāshād na ho
dil kī īzā-talabī pūchh luuñ kyā kahtī hai
Thahro Thahro abhī dam-bhar koī bedād na ho
'shauq' kar duuñ jo bayāñ kāvish-e-ġham kī hālat
apnā qissa bhī kam-az qissa-e-farhād na ho
نو گرفتار محبت کبھی آزاد نہ ہو
قید میں قید رہے قید کی میعاد نہ ہو
میں تو خاموش رہوں ہجر میں ڈر ہے لیکن
درد اٹھ کر کہیں آمادۂ فریاد نہ ہو
تم میں پنہاں ہیں محبت کے ہزاروں جلوے
اے مری خاک کے ذرو کہیں برباد نہ ہو
کچھ ہیں بکھرے ہوئے پر کنج قفس کے باہر
خوف ہے اور بھی رسوا کہیں صیاد نہ ہو
پھوٹ کر کس کے یہ رونے کی صدا آتی ہے
درد الفت کہیں میرا دل ناشاد نہ ہو
دل کی ایذا طلبی پوچھ لوں کیا کہتی ہے
ٹھہرو ٹھہرو ابھی دم بھر کوئی بیداد نہ ہو
شوقؔ کر دوں جو بیاں کاوش غم کی حالت
اپنا قصہ بھی کم از قصۂ فرہاد نہ ہو