नक़्श-ए-क़दम मिले जो तिरे चल के सर से हम
अक्सर गुज़र गए हैं तिरी रहगुज़र से हम
हैं बे-नियाज़ तनदही-ए-चारागर से हम
बे-ख़ुद रहे इनायत-ए-दर्द-ए-जिगर से हम
समझे जहाँ को अपना बड़े कर्र-ओ-फ़र से हम
देखे गए हमेशा पराई नज़र से हम
नक़्श-ए-क़दम से चिमटे तिरी रहगुज़र से हम
पर तेरी दीद को रहे तरसे के तरसे हम
हम देखते हैं तुम को हमारी निगाह से
ग़ैरों को देखते हैं तुम्हारी नज़र से हम
महफ़ूज़ कर ले अपने लिए ग़म-गुसारियाँ
सय्याद बा-ख़बर हैं तिरे ख़ैर-ओ-शर से हम
तुम को समझ के तुम सितम अपने पे ढा लिए
किस दर्जे बे-ख़बर हैं हमारी ख़बर से हम
अल्लाह शैख़ जी को तू जन्नत करे नसीब
वाबस्ता सुब्ह-ओ-शाम रहें उन के दर से हम
लाते न तेरे इश्क़ में शिकवे ज़बान पर
आप अपने को समझते अगर पेशतर से हम
हम तेरे हो के बज़्म में तेरी न रह सके
महफ़िल थी तेरी आँख सी तेरी नज़र से हम
या पार होंगे चीर के या डूब जाएँगे
साहिल पे रुक न जाएँगे तूफ़ाँ के डर से हम
निकली हुई दुआएँ अभी जुस्तुजू में हैं
शायद बईद-तर हैं मक़ाम-ए-असर से हम
नज़रों से सब की गिर गए परवा न थी हमें
लेकिन ग़ज़ब है गिरते हैं अपनी नज़र से हम
क्या हश्र होने वाला है देखेंगे ऐ 'ज़की'
बैठे हैं दिल लगा के किसी फ़ित्ना-गर से हम
naqsh-e-qadam mile jo tire chal ke sar se ham
aksar guzar ga.e haiñ tirī rahguzar se ham
haiñ be-niyāz tandahī-e-chārāgar se ham
be-ḳhud rahe ināyat-e-dard-e-jigar se ham
samjhe jahāñ ko apnā baḌe karr-o-far se ham
dekhe ga.e hamesha parā.ī nazar se ham
naqsh-e-qadam se chimTe tirī rahguzar se ham
par terī diid ko rahe tarse ke tarse ham
ham dekhte haiñ tum ko hamārī nigāh se
ġhairoñ ko dekhte haiñ tumhārī nazar se ham
mahfūz kar le apne liye ġham-gusāriyāñ
sayyād bā-ḳhabar haiñ tire ḳhair-o-shar se ham
tum ko samajh ke tum sitam apne pe Dhā liye
kis darje be-ḳhabar haiñ hamārī ḳhabar se ham
allāh shaiḳh jī ko tū jannat kare nasīb
vābasta sub.h-o-shām raheñ un ke dar se ham
laate na tere ishq meñ shikve zabān par
aap apne ko samajhte agar peshtar se ham
ham tere ho ke bazm meñ terī na rah sake
mahfil thī terī aañkh sī terī nazar se ham
yā paar hoñge chiir ke yā Duub jā.eñge
sāhil pe ruk na jā.eñge tūfāñ ke Dar se ham
niklī huī duā.eñ abhī justujū meñ haiñ
shāyad ba.īd-tar haiñ maqām-e-asar se ham
nazroñ se sab kī gir ga.e parvā na thī hameñ
lekin ġhazab hai girte haiñ apnī nazar se ham
kyā hashr hone vaalā hai dekheñge ai 'zakī'
baiThe haiñ dil lagā ke kisī fitna-gar se ham
نقش قدم ملے جو ترے چل کے سر سے ہم
اکثر گزر گئے ہیں تری رہ گزر سے ہم
ہیں بے نیاز تندہیٔ چارہ گر سے ہم
بے خود رہے عنایت درد جگر سے ہم
سمجھے جہاں کو اپنا بڑے کر و فر سے ہم
دیکھے گئے ہمیشہ پرائی نظر سے ہم
نقش قدم سے چمٹے تری رہ گزر سے ہم
پر تیری دید کو رہے ترسے کے ترسے ہم
ہم دیکھتے ہیں تم کو ہماری نگاہ سے
غیروں کو دیکھتے ہیں تمہاری نظر سے ہم
محفوظ کر لے اپنے لئے غم گساریاں
صیاد با خبر ہیں ترے خیر و شر سے ہم
تم کو سمجھ کے تم ستم اپنے پہ ڈھا لئے
کس درجے بے خبر ہیں ہماری خبر سے ہم
اللہ شیخ جی کو تو جنت کرے نصیب
وابستہ صبح و شام رہیں ان کے در سے ہم
لاتے نہ تیرے عشق میں شکوے زبان پر
آپ اپنے کو سمجھتے اگر پیشتر سے ہم
ہم تیرے ہو کے بزم میں تیری نہ رہ سکے
محفل تھی تیری آنکھ سی تیری نظر سے ہم
یا پار ہوں گے چیر کے یا ڈوب جائیں گے
ساحل پہ رک نہ جائیں گے طوفاں کے ڈر سے ہم
نکلی ہوئی دعائیں ابھی جستجو میں ہیں
شاید بعید تر ہیں مقام اثر سے ہم
نظروں سے سب کی گر گئے پروا نہ تھی ہمیں
لیکن غضب ہے گرتے ہیں اپنی نظر سے ہم
کیا حشر ہونے والا ہے دیکھیں گے اے ذکیؔ
بیٹھے ہیں دل لگا کے کسی فتنہ گر سے ہم