नहीं देते कभी दुनिया को दिल अहल-ए-नज़र अपना
कभी मुर्ग़ाब तर करता नहीं पानी से पर अपना
फ़ना की रौ में बुनियादें न ठहरीं क़स्र-ए-हस्ती की
हुआ इस मौज-ए-तूफ़ाँ-ख़ेज़ से बर्बाद घर अपना
जहाँ में रूह को तन से दिखावे की मोहब्बत थी
न था वो हम-सफ़र समझे थे जिस को हम-सफ़र हम अपना
बता दूँ क्या तुझे ज़ाहिद जो देखा है वो देखा है
तिरी आँखों में क्यूँकर डाल दूँ ज़ौक़-ए-नज़र अपना
उसी बंसी के नग़्मों की अभी मुश्ताक़ है जमुना
कि मौजें आज तक साहिल से टकराती हैं सर अपना
ख़याल-ए-यार ने मरक़द पे कर दी नूर की बारिश
मुक़द्दर का सितारा बन गया दाग़-ए-जिगर अपना
मिरे जाम-ए-सुबूही में असर 'कैफ़ी' दिखाता है
कभी रंग-ए-शफ़क़ अपना कभी नूर-ए-सहर अपना
nahīñ dete kabhī duniyā ko dil ahl-e-nazar apnā
kabhī murġhāb tar kartā nahīñ paanī se par apnā
fanā kī rau meñ buniyādeñ na Thahrīñ qasr-e-hastī kī
huā is mauj-e-tūfāñ-ḳhez se barbād ghar apnā
jahāñ meñ ruuh ko tan se dikhāve kī mohabbat thī
na thā vo ham-safar samjhe the jis ko ham-safar ham apnā
batā duuñ kyā tujhe zāhid jo dekhā hai vo dekhā hai
tirī āñkhoñ meñ kyūñkar Daal duuñ zauq-e-nazar apnā
usī bansī ke naġhmoñ kī abhī mushtāq hai jamunā
ki maujeñ aaj tak sāhil se Takrātī haiñ sar apnā
ḳhayāl-e-yār ne marqad pe kar dī nuur kī bārish
muqaddar kā sitārā ban gayā dāġh-e-jigar apnā
mire jām-e-subūhī meñ asar 'kaifī' dikhātā hai
kabhī rang-e-shafaq apnā kabhī nūr-e-sahar apnā
نہیں دیتے کبھی دنیا کو دل اہل نظر اپنا
کبھی مرغاب تر کرتا نہیں پانی سے پر اپنا
فنا کی رو میں بنیادیں نہ ٹھہریں قصر ہستی کی
ہوا اس موج طوفاں خیز سے برباد گھر اپنا
جہاں میں روح کو تن سے دکھاوے کی محبت تھی
نہ تھا وہ ہم سفر سمجھے تھے جس کو ہم سفر ہم اپنا
بتا دوں کیا تجھے زاہد جو دیکھا ہے وہ دیکھا ہے
تری آنکھوں میں کیوں کر ڈال دوں ذوق نظر اپنا
اسی بنسی کے نغموں کی ابھی مشتاق ہے جمنا
کہ موجیں آج تک ساحل سے ٹکراتی ہیں سر اپنا
خیال یار نے مرقد پہ کر دی نور کی بارش
مقدر کا ستارا بن گیا داغ جگر اپنا
مرے جام صبوحی میں اثر کیفیؔ دکھاتا ہے
کبھی رنگ شفق اپنا کبھی نور سحر اپنا