हर आरज़ू में रंग है बाग़-ओ-बहार का
काँटा भी एक फूल है उस ख़ार-ज़ार का
कुछ इस तरह से आओ कि दिल को ख़बर न हो
कुछ वस्ल में भी लुत्फ़ रहे इंतिज़ार का
बू-ए-वफ़ा न ढूँढिए लाला के दाग़ में
क्या ये भी कोई दिल है किसी दिल-फ़िगार का
लग़्ज़िश हुइ तो पाँव पे साक़ी के गिर पड़े
बेहोशियों से काम लिया होशियार का
सर-चश्मा-ए-सराब फ़रेब-ए-मजाज़ है
क्या ए'तिबार ज़िंदगी-ए-मुस्तआ'र का
इरफ़ाँ की रौशनी से कुदूरत चली गई
आईना बन गया मिरे मुश्त-ए-ग़ुबार का
दौर-ए-शबाब की वो तरंगें कहाँ गईं
ख़म्याज़ा देखता है ये 'कैफ़ी' ख़ुमार का
har aarzū meñ rañg hai bāġh-o-bahār kā
kāñTā bhī ek phuul hai us ḳhār-zār kā
kuchh is tarah se aao ki dil ko ḳhabar na ho
kuchh vasl meñ bhī lutf rahe intizār kā
bū-e-vafā na DhūñDhiye laala ke daaġh meñ
kyā ye bhī koī dil hai kisī dil-figār kā
laġhzish hui to paañv pe saaqī ke gir paḌe
behoshiyoñ se kaam liyā hoshiyār kā
sar-chashma-e-sarāb fareb-e-majāz hai
kyā e'tibār zindagī-e-musta.ār kā
irfāñ kī raushnī se kudūrat chalī ga.ī
ā.īna ban gayā mire musht-e-ġhubār kā
daur-e-shabāb kī vo tarañgeñ kahāñ ga.iiñ
ḳhamyāza dekhtā hai ye 'kaifī' ḳhumār kā
ہر آرزو میں رنگ ہے باغ و بہار کا
کانٹا بھی ایک پھول ہے اس خار زار کا
کچھ اس طرح سے آؤ کہ دل کو خبر نہ ہو
کچھ وصل میں بھی لطف رہے انتظار کا
بوئے وفا نہ ڈھونڈھئے لالہ کے داغ میں
کیا یہ بھی کوئی دل ہے کسی دل فگار کا
لغزش ہوئی تو پاؤں پہ ساقی کے گر پڑے
بے ہوشیوں سے کام لیا ہوشیار کا
سر چشمۂ سراب فریب مجاز ہے
کیا اعتبار زندگئ مستعار کا
عرفاں کی روشنی سے کدورت چلی گئی
آئینہ بن گیا مرے مشت غبار کا
دور شباب کی وہ ترنگیں کہاں گئیں
خمیازہ دیکھتا ہے یہ کیفیؔ خمار کا