जज़्बा-ए-शौक़ बढ़ाता है जुदा हो जाना
ऊपरी दिल से ज़रा मुझ से ख़फ़ा हो जाना
क़ौस सज्दे में झुकी रह गई जब से देखा
उन की अंगड़ाई का मेहराब-नुमा हो जाना
दम का क्या ठीक है दम-भर में है दम-भर में नहीं
चलते फिरते मिरी बालीं पे ज़रा हो जाना
मौसम-ए-गुल में उन्हें ग़ैर इधर ले आए
काम आया मिरे ज़ख़्मों का हरा हो जाना
बंद है 'इश्क़ के बंदों के लिए आज़ादी
क़ैद है क़ैद-ए-मोहब्बत से रिहा हो जाना
उन के तेवर भी ज़रा देखते रहना क़ासिद
ख़त के पुर्ज़े जो नज़र आएँ हवा हो जाना
खेल है हस्ती-ए-फ़ानी का दिगर-गूँ हो कर
नूर में नूर फ़ज़ाओं में फ़ज़ा हो जाना
कुछ तो ऐ रहमत-ए-साक़ी रहे 'कैफ़ी' का ख़याल
आ के मयख़ाने पे छाना तो घटा हो जाना
jazba-e-shauq baḌhātā hai judā ho jaanā
uuprī dil se zarā mujh se ḳhafā ho jaanā
qaus sajde meñ jhukī rah ga.ī jab se dekhā
un kī añgḌā.ī kā mehrāb-numā ho jaanā
dam kā kyā Thiik hai dam-bhar meñ hai dam-bhar meñ nahīñ
chalte phirte mirī bālīñ pe zarā ho jaanā
mausam-e-gul meñ unheñ ġhair idhar le aa.e
kaam aaya mire zaḳhmoñ kā harā ho jaanā
band hai 'ishq ke bandoñ ke liye āzādī
qaid hai qaid-e-mohabbat se rihā ho jaanā
un ke tevar bhī zarā dekhte rahnā qāsid
ḳhat ke purze jo nazar aa.eñ havā ho jaanā
khel hai hastī-e-fānī kā digar-gūñ ho kar
nuur meñ nuur fazāoñ meñ fazā ho jaanā
kuchh to ai rahmat-e-sāqī rahe 'kaifī' kā ḳhayāl
aa ke maiḳhāne pe chhānā to ghaTā ho jaanā
جذبۂ شوق بڑھاتا ہے جدا ہو جانا
اوپری دل سے ذرا مجھ سے خفا ہو جانا
قوس سجدے میں جھکی رہ گئی جب سے دیکھا
ان کی انگڑائی کا محراب نما ہو جانا
دم کا کیا ٹھیک ہے دم بھر میں ہے دم بھر میں نہیں
چلتے پھرتے مری بالیں پہ ذرا ہو جانا
موسم گل میں انہیں غیر ادھر لے آئے
کام آیا مرے زخموں کا ہرا ہو جانا
بند ہے عشق کے بندوں کے لیے آزادی
قید ہے قید محبت سے رہا ہو جانا
ان کے تیور بھی ذرا دیکھتے رہنا قاصد
خط کے پرزے جو نظر آئیں ہوا ہو جانا
کھیل ہے ہستئ فانی کا دگر گوں ہو کر
نور میں نور فضاؤں میں فضا ہو جانا
کچھ تو اے رحمت ساقی رہے کیفیؔ کا خیال
آ کے میخانے پہ چھانا تو گھٹا ہو جانا