नदीम कहियो अगर उन से कोई बात चले
हम उन की बज़्म से महरूम-ए-इल्तिफ़ात चले
ये दिल उठाएगा फिर ख़ून-ए-आरज़ू के मज़े
फिर आज कर के वो तर्क-ए-त'अल्लुक़ात चले
महक महक उठीं तन्हाइयाँ मिरे घर की
कुछ ऐसे सिलसिले यादों के सारी रात चले
क़तील-ए-शोख़ी-ए-रफ़्तार हैं हम अहल-ए-दिल
हमारे साथ सँभल कर ग़म-ए-हयात चले
ये जितने रिंद हैं सब भूल जाएँ अपने ग़म
जो मय-कदे में कभी मेरी उन की बात चले
रुकें तो यूँ कि ज़माने की नब्ज़ रुक जाए
चलें तो ऐसे चलें साथ काएनात चले
'बहार' आज कोई याद आ रहा है फिर
फिर आओ जाम चले और सारी रात चले
nadīm kahiyo agar un se koī baat chale
ham un kī bazm se mahrūm-e-iltifāt chale
ye dil uThā.egā phir ḳhūn-e-ārzū ke maze
phir aaj kar ke vo tark-e-ta'alluqāt chale
mahak mahak uThīñ tanhā.iyāñ mire ghar kī
kuchh aise silsile yādoñ ke saarī raat chale
qatīl-e-shoḳhī-e-raftār haiñ ham ahl-e-dil
hamāre saath sañbhal kar ġham-e-hayāt chale
ye jitne rind haiñ sab bhuul jaa.eñ apne ġham
jo mai-kade meñ kabhī merī un kī baat chale
rukeñ to yuuñ ki zamāne kī nabz ruk jaa.e
chaleñ to aise chaleñ saath kā.enāt chale
'bahār' aaj koī yaad aa rahā hai phir
phir aao jaam chale aur saarī raat chale
ندیم کہیو اگر ان سے کوئی بات چلے
ہم ان کی بزم سے محروم التفات چلے
یہ دل اٹھائے گا پھر خون آرزو کے مزے
پھر آج کر کے وہ ترک تعلقات چلے
مہک مہک اٹھیں تنہائیاں مرے گھر کی
کچھ ایسے سلسلے یادوں کے ساری رات چلے
قتیل شوخیٔ رفتار ہیں ہم اہل دل
ہمارے ساتھ سنبھل کر غم حیات چلے
یہ جتنے رند ہیں سب بھول جائیں اپنے غم
جو میکدے میں کبھی میری ان کی بات چلے
رکیں تو یوں کہ زمانے کی نبض رک جائے
چلیں تو ایسے چلیں ساتھ کائنات چلے
بہارؔ آج کوئی یاد آ رہا ہے پھر
پھر آؤ جام چلے اور ساری رات چلے