मिरे दिल के दाग़ ख़ुदा रखे रह-ए-ग़म में जल्वा-कुनाँ रहे
कभी चाँदनी की तरह खिले कभी बन के काहकशाँ रहे
वही आरज़ू वही मरहले वही जुस्तुजू वही सिलसिले
तुझे पा के भी वही फ़ासले तिरी क़ुर्बतों में निहाँ रहे
मैं शिकस्ता-हाल-ओ-शिकस्ता-पा तह-ए-दाम आ भी गया तो क्या
मिरी आरज़ू में तो दम रहा मिरे हौसले तो जवाँ रहे
ये बता कि साक़ी-ए-ख़ुश-नज़र वही जाम है वही मय मगर
वो बला-कशान-ए-जुनूँ-असर तिरे मय-कदे में कहाँ रहे
कोई क्या 'बहार' समझ सके कि ये अपना अपना नसीब है
कोई दाग़-ए-नूर-ए-जबीं बने कोई रूह-ओ-दिल का ज़ियाँ रहे
mire dil ke daaġh ḳhudā rakhe rah-e-ġham meñ jalva-kunāñ rahe
kabhī chāñdnī kī tarah khile kabhī ban ke kāhkashāñ rahe
vahī aarzū vahī marhale vahī justujū vahī silsile
tujhe pā ke bhī vahī fāsle tirī qurbatoñ meñ nihāñ rahe
maiñ shikasta-hāl-o-shikasta-pā tah-e-dām aa bhī gayā to kyā
mirī aarzū meñ to dam rahā mire hausle to javāñ rahe
ye batā ki sāqī-e-ḳhush-nazar vahī jaam hai vahī mai magar
vo balā-kashān-e-junūñ-asar tire mai-kade meñ kahāñ rahe
koī kyā 'bahār' samajh sake ki ye apnā apnā nasīb hai
koī dāġh-e-nūr-e-jabīñ bane koī rūh-o-dil kā ziyāñ rahe
مرے دل کے داغ خدا رکھے رہ غم میں جلوہ کناں رہے
کبھی چاندنی کی طرح کھلے کبھی بن کے کاہکشاں رہے
وہی آرزو وہی مرحلے وہی جستجو وہی سلسلے
تجھے پا کے بھی وہی فاصلے تری قربتوں میں نہاں رہے
میں شکستہ حال و شکستہ پا تہ دام آ بھی گیا تو کیا
مری آرزو میں تو دم رہا مرے حوصلے تو جواں رہے
یہ بتا کہ ساقیٔ خوش نظر وہی جام ہے وہی مے مگر
وہ بلا کشان جنوں اثر ترے مے کدے میں کہاں رہے
کوئی کیا بہارؔ سمجھ سکے کہ یہ اپنا اپنا نصیب ہے
کوئی داغ نور جبیں بنے کوئی روح و دل کا زیاں رہے