न थी हमारी ख़ता ए'तिराफ़ क्या करते
थे बे-गुनाह तो मुंसिफ़ मु'आफ़ क्या करते
कोई न था जो यहाँ अपना जाएज़ा लेता
हर आइने से हमीं गर्द साफ़ क्या करते
न गुफ़्तुगू का सलीक़ा न काट लहजे में
समा'अतों में सुख़नवर शिगाफ़ क्या करते
ख़ला-नवर्द थे इस दौर में हम अहल-ए-जुनूँ
हमारे गिर्द बगूले तवाफ़ क्या करते
सिपुर्द-ए-ताक़ थे हर घर में शाहकार-ए-हयात
हिफ़ाज़त उन की अकेले ग़िलाफ़ क्या करते
सभी थे अहल-ए-नज़र इक हिसार तक महदूद
उतरते तह में तो फिर इंकिशाफ़ क्या करते
मिरी तरह जिन्हें मा'नी की जुस्तुजू भी नहीं
हिसार-ए-लफ़्ज़ में वो ऐ'तकाफ़ क्या करते
अज़िय्यतें जिन्हें देती हों राहतों की नवीद
तिरे सितम से भी वो इख़्तिलाफ़ क्या करते
वो अपनी फ़िक्र में ज़िंदा है हर्फ़ हर्फ़ 'ज़फ़र'
हरीफ़-ए-फ़न भी कुछ उस के ख़िलाफ़ क्या करते
na thī hamārī ḳhatā e'tirāf kyā karte
the be-gunāh to munsif mu'āf kyā karte
koī na thā jo yahāñ apnā jā.eza letā
har aa.ine se hamīñ gard saaf kyā karte
na guftugū kā salīqa na kaaT lahje meñ
samā'atoñ meñ suḳhanvar shigāf kyā karte
ḳhalā-navard the is daur meñ ham ahl-e-junūñ
hamāre gird bagūle tavāf kyā karte
sipurd-e-tāq the har ghar meñ shāhkār-e-hayāt
hifāzat un kī akele ġhilāf kyā karte
sabhī the ahl-e-nazar ik hisār tak mahdūd
utarte tah meñ to phir inkishāf kyā karte
mirī tarah jinheñ mā'nī kī justujū bhī nahīñ
hisār-e-lafz meñ vo ai'takāf kyā karte
aziyyateñ jinheñ detī hoñ rāhatoñ kī navīd
tire sitam se bhī vo iḳhtilāf kyā karte
vo apnī fikr meñ zinda hai harf harf 'zafar'
harīf-e-fan bhī kuchh us ke ḳhilāf kyā karte
نہ تھی ہماری خطا اعتراف کیا کرتے
تھے بے گناہ تو منصف معاف کیا کرتے
کوئی نہ تھا جو یہاں اپنا جائزہ لیتا
ہر آئنے سے ہمیں گرد صاف کیا کرتے
نہ گفتگو کا سلیقہ نہ کاٹ لہجے میں
سماعتوں میں سخنور شگاف کیا کرتے
خلا نورد تھے اس دور میں ہم اہل جنوں
ہمارے گرد بگولے طواف کیا کرتے
سپرد طاق تھے ہر گھر میں شاہکار حیات
حفاظت ان کی اکیلے غلاف کیا کرتے
سبھی تھے اہل نظر اک حصار تک محدود
اترتے تہہ میں تو پھر انکشاف کیا کرتے
مری طرح جنہیں معنی کی جستجو بھی نہیں
حصار لفظ میں وہ اعتکاف کیا کرتے
اذیتیں جنہیں دیتی ہوں راحتوں کی نوید
ترے ستم سے بھی وہ اختلاف کیا کرتے
وہ اپنی فکر میں زندہ ہے حرف حرف ظفرؔ
حریف فن بھی کچھ اس کے خلاف کیا کرتے