न सियो होंट न ख़्वाबों में सदा दो हम को
मस्लहत का ये तक़ाज़ा है भुला दो हम को
जुर्म-ए-सुक़रात से हट कर न सज़ा दो हम को
ज़हर रक्खा है तो ये आब-ए-बक़ा दो हम को
बस्तियाँ आग में बह जाएँ कि पत्थर बरसें
हम अगर सोए हुए हैं तो जगा दो हम को
हम हक़ीक़त हैं तो तस्लीम न करने का सबब
हाँ अगर हर्फ़-ए-ग़लत हैं तो मिटा दो हम को
ख़िज़्र मशहूर हो इल्यास बने फिरते हो
कब से हम गुम हैं हमारा तो पता दो हम को
ज़ीस्त है इस सहर-ओ-शाम से बेज़ार ओ ज़ुबूँ
लाला-ओ-गुल की तरह रंग-ए-क़बा दो हम को
शोरिश-ए-इश्क़ में है हुस्न बराबर का शरीक
सोच कर जुर्म-ए-तमन्ना की सज़ा दो हम को
जुरअत-ए-लम्स भी इम्कान-ए-तलब में है मगर
ये न हो और गुनहगार बना दो हम को
क्यूँ न उस शब से नए दौर का आग़ाज़ करें
बज़्म-ए-ख़ूबाँ से कोई नग़्मा सुना दो हम को
मक़्सद-ए-ज़ीस्त ग़म-ए-इश्क़ है सहरा हो कि शहर
बैठ जाएँगे जहाँ चाहो बिठा दो हम को
हम चटानें हैं कोई रेत के साहिल तो नहीं
शौक़ से शहर-पनाहों में लगा दो हम को
भीड़ बाज़ार-ए-समा'अत में है नग़्मों की बहुत
जिस से तुम सामने उभरो वो सदा दो हम को
कौन देता है मोहब्बत को परस्तिश का मक़ाम
तुम ये इंसाफ़ से सोचो तो दुआ दो हम को
आज माहौल को आराइश-ए-जाँ से है गुरेज़
कोई 'दानिश' की ग़ज़ल ला के सुना दो हम को
na siyo hoñT na ḳhvāboñ meñ sadā do ham ko
maslahat kā ye taqāzā hai bhulā do ham ko
jurm-e-suqrāt se haT kar na sazā do ham ko
zahr rakkhā hai to ye āb-e-baqā do ham ko
bastiyāñ aag meñ bah jaa.eñ ki patthar barseñ
ham agar so.e hue haiñ to jagā do ham ko
ham haqīqat haiñ to taslīm na karne kā sabab
haañ agar harf-e-ġhalat haiñ to miTā do ham ko
ḳhizr mash.hūr ho ilyās bane phirte ho
kab se ham gum haiñ hamārā to patā do ham ko
ziist hai is sahar-o-shām se bezār o zubūñ
lāla-o-gul kī tarah rañg-e-qabā do ham ko
shorish-e-ishq meñ hai husn barābar kā sharīk
soch kar jurm-e-tamannā kī sazā do ham ko
jur.at-e-lams bhī imkān-e-talab meñ hai magar
ye na ho aur gunahgār banā do ham ko
kyuuñ na us shab se na.e daur kā āġhāz kareñ
bazm-e-ḳhūbāñ se koī naġhma sunā do ham ko
maqsad-e-zīst ġham-e-ishq hai sahrā ho ki shahr
baiTh jā.eñge jahāñ chāho biThā do ham ko
ham chaTāneñ haiñ koī ret ke sāhil to nahīñ
shauq se shahr-panāhoñ meñ lagā do ham ko
bhiiḌ bāzār-e-samā'at meñ hai naġhmoñ kī bahut
jis se tum sāmne ubhro vo sadā do ham ko
kaun detā hai mohabbat ko parastish kā maqām
tum ye insāf se socho to duā do ham ko
aaj māhaul ko ārā.ish-e-jāñ se hai gurez
koī 'dānish' kī ġhazal lā ke sunā do ham ko
نہ سیو ہونٹ نہ خوابوں میں صدا دو ہم کو
مصلحت کا یہ تقاضا ہے بھلا دو ہم کو
جرم سقراط سے ہٹ کر نہ سزا دو ہم کو
زہر رکھا ہے تو یہ آب بقا دو ہم کو
بستیاں آگ میں بہہ جائیں کہ پتھر برسیں
ہم اگر سوئے ہوئے ہیں تو جگا دو ہم کو
ہم حقیقت ہیں تو تسلیم نہ کرنے کا سبب
ہاں اگر حرف غلط ہیں تو مٹا دو ہم کو
خضر مشہور ہو الیاس بنے پھرتے ہو
کب سے ہم گم ہیں ہمارا تو پتا دو ہم کو
زیست ہے اس سحر و شام سے بیزار و زبوں
لالہ و گل کی طرح رنگ قبا دو ہم کو
شورش عشق میں ہے حسن برابر کا شریک
سوچ کر جرم تمنا کی سزا دو ہم کو
جرأت لمس بھی امکان طلب میں ہے مگر
یہ نہ ہو اور گنہ گار بنا دو ہم کو
کیوں نہ اس شب سے نئے دور کا آغاز کریں
بزم خوباں سے کوئی نغمہ سنا دو ہم کو
مقصد زیست غم عشق ہے صحرا ہو کہ شہر
بیٹھ جائیں گے جہاں چاہو بٹھا دو ہم کو
ہم چٹانیں ہیں کوئی ریت کے ساحل تو نہیں
شوق سے شہر پناہوں میں لگا دو ہم کو
بھیڑ بازار سماعت میں ہے نغموں کی بہت
جس سے تم سامنے ابھرو وہ صدا دو ہم کو
کون دیتا ہے محبت کو پرستش کا مقام
تم یہ انصاف سے سوچو تو دعا دو ہم کو
آج ماحول کو آرائش جاں سے ہے گریز
کوئی دانشؔ کی غزل لا کے سنا دو ہم کو