न रुकते हैं आँसू न थमते हैं नाले
कहो कोई कैसे मोहब्बत छुपा ले
करे कोई क्या गर वो आएँ यकायक
निगाहों को रोके कि दिल को सँभाले
चमन वाले बिजली से बोले न चाले
ग़रीबों के घर बे-ख़ता फूँक डाले
क़यामत हैं ज़ालिम की नीची निगाहें
ख़ुदा जाने क्या हो जो नज़रें उठा ले
करूँ ऐसा सज्दा वो घबरा के कह दें
ख़ुदा के लिए अब तो सर को उठा ले
तुम्हें बंदा-पर्वर हमीं जानते हैं
बड़े सीधे-साधे बड़े भोले-भाले
बस इतनी सी दूरी ये मैं हूँ ये मंज़िल
कहाँ आ के फूटे हैं पावँ के छाले
'क़मर' मैं हूँ मुख़्तार तंज़ीम-ए-शब का
हैं मेरे ही बस में अँधेरे उजाले
na rukte haiñ aañsū na thamte haiñ naale
kaho koī kaise mohabbat chhupā le
kare koī kyā gar vo aa.eñ yakāyak
nigāhoñ ko roke ki dil ko sañbhāle
chaman vaale bijlī se bole na chāle
ġharīboñ ke ghar be-ḳhatā phūñk Daale
qayāmat haiñ zālim kī nīchī nigāheñ
ḳhudā jaane kyā ho jo nazreñ uThā le
karūñ aisā sajda vo ghabrā ke kah deñ
ḳhudā ke liye ab to sar ko uThā le
tumheñ banda-parvar hamīñ jānte haiñ
baḌe sīdhe-sādhe baḌe bhole-bhāle
bas itnī sī duurī ye maiñ huuñ ye manzil
kahāñ aa ke phūTe haiñ paaoñ ke chhāle
'qamar' maiñ huuñ muḳhtār tanzīm-e-shab kā
haiñ mere hī bas meñ añdhere ujāle
نہ رکتے ہیں آنسو نہ تھمتے ہیں نالے
کہو کوئی کیسے محبت چھپا لے
کرے کوئی کیا گر وہ آئیں یکایک
نگاہوں کو روکے کہ دل کو سنبھالے
چمن والے بجلی سے بولے نہ چالے
غریبوں کے گھر بے خطا پھونک ڈالے
قیامت ہیں ظالم کی نیچی نگاہیں
خدا جانے کیا ہو جو نظریں اٹھا لے
کروں ایسا سجدہ وہ گھبرا کے کہہ دیں
خدا کے لیے اب تو سر کو اٹھا لے
تمہیں بندہ پرور ہمیں جانتے ہیں
بڑے سیدھے سادھے بڑے بھولے بھالے
بس اتنی سی دوری یہ میں ہوں یہ منزل
کہاں آ کے پھوٹے ہیں پاؤں کے چھالے
قمرؔ میں ہوں مختار تنظیم شب کا
ہیں میرے ہی بس میں اندھیرے اجالے