न डगमगाए कभी हम वफ़ा के रस्ते में
चराग़ हम ने जलाए हवा के रस्ते में
किसे लगाए गले और कहाँ कहाँ ठहरे
हज़ार ग़ुंचा-ओ-गुल हैं सबा के रस्ते में
ख़ुदा का नाम कोई ले तो चौंक उठते हैं
मिले हैं हम को वो रहबर ख़ुदा के रस्ते में
कहीं सलासिल-ए-तस्बीह और कहीं ज़ुन्नार
बिछे हैं दाम बहुत मुद्दआ के रस्ते में
अभी वो मंज़िल-ए-फ़िक्र-ओ-नज़र नहीं आई
है आदमी अभी जुर्म ओ सज़ा के रस्ते में
हैं आज भी वही दार-ओ-रसन वही ज़िंदाँ
हर इक निगाह-ए-रुमूज़-आश्ना के रस्ते में
ये नफ़रतों की फ़सीलें जहालतों के हिसार
न रह सकेंगे हमारी सदा के रस्ते में
मिटा सके न कोई सैल-ए-इंक़लाब जिन्हें
वो नक़्श छोड़े हैं हम ने वफ़ा के रस्ते में
ज़माना एक सा 'जालिब' सदा नहीं रहता
चलेंगे हम भी कभी सर उठा के रस्ते में
na Dagmagā.e kabhī ham vafā ke raste meñ
charāġh ham ne jalā.e havā ke raste meñ
kise lagā.e gale aur kahāñ kahāñ Thahre
hazār ġhuncha-o-gul haiñ sabā ke raste meñ
ḳhudā kā naam koī le to chauñk uThte haiñ
mile haiñ ham ko vo rahbar ḳhudā ke raste meñ
kahīñ salāsil-e-tasbīh aur kahīñ zunnār
bichhe haiñ daam bahut mudda.ā ke raste meñ
abhī vo manzil-e-fikr-o-nazar nahīñ aa.ī
hai aadmī abhī jurm o sazā ke raste meñ
haiñ aaj bhī vahī dār-o-rasan vahī zindāñ
har ik nigāh-e-rumūz-āshnā ke raste meñ
ye nafratoñ kī fasīleñ jahālatoñ ke hisār
na rah sakeñge hamārī sadā ke raste meñ
miTā sake na koī sail-e-inqalāb jinheñ
vo naqsh chhoḌe haiñ ham ne vafā ke raste meñ
zamāna ek sā 'jālib' sadā nahīñ rahtā
chaleñge ham bhī kabhī sar uThā ke raste meñ
نہ ڈگمگائے کبھی ہم وفا کے رستے میں
چراغ ہم نے جلائے ہوا کے رستے میں
کسے لگائے گلے اور کہاں کہاں ٹھہرے
ہزار غنچہ و گل ہیں صبا کے رستے میں
خدا کا نام کوئی لے تو چونک اٹھتے ہیں
ملے ہیں ہم کو وہ رہبر خدا کے رستے میں
کہیں سلاسل تسبیح اور کہیں زنار
بچھے ہیں دام بہت مدعا کے رستے میں
ابھی وہ منزل فکر و نظر نہیں آئی
ہے آدمی ابھی جرم و سزا کے رستے میں
ہیں آج بھی وہی دار و رسن وہی زنداں
ہر اک نگاہ رموز آشنا کے رستے میں
یہ نفرتوں کی فصیلیں جہالتوں کے حصار
نہ رہ سکیں گے ہماری صدا کے رستے میں
مٹا سکے نہ کوئی سیل انقلاب جنہیں
وہ نقش چھوڑے ہیں ہم نے وفا کے رستے میں
زمانہ ایک سا جالبؔ سدا نہیں رہتا
چلیں گے ہم بھی کبھی سر اٹھا کے رستے میں