न ऐ दिल सूरत-ए-शैख़-ए-हरम दीवाना बन जाना
कहीं आना न जाना ज़ाएर-ए-बुत-ख़ाना बन जाना
तुम्हारी दीदा-ए-मख़मूर को ये ख़ूब आता है
कभी शीशा कभी साग़र कभी पैमाना बन जाना
अजब आलम है मद-होशों का तेरी जोश-ए-मस्ती में
कभी दीवाना बन जाना कभी मस्ताना बन जाना
दिल-ए-सोज़ाँ दिखाना जल्वा हुस्न-ओ-इश्क़ दोनों का
कहीं शम-ए-शबिस्ताँ और कहीं परवाना बन जाना
ये थी तल्क़ीन-ए-साक़ी वक़्त-ए-रुख़्सत अपनी मस्तों को
कहीं दीवाना बन जाना कहीं फ़रज़ाना बन जाना
उसी में कुछ मफ़र अपना नज़र आया हसीनों को
कि जा कर देर में चुपके बुत-ए-बुत-ख़ाना बन जाना
करिश्मे हैं ये सारे जलवा-ए-हुस्न-ए-हक़ीक़ी के
कहीं आशिक़ कहीं अंदाज़-ए-माशूक़ाना बन जाना
नवा-ए-राज़ साज़-ए-इश्क़ बे-ख़ुद क्यूँ न कर डाले
कि हर पर्दे से आती है सदा दीवाना बन जाना
यही इबरत-सरा-ए-दहर का हर रोज़ नक़्शा है
कहीं काशाना हो जाना कहीं वीराना बन जाना
ख़बर किस को थी यूँ आलम में रुस्वाई मिरी होगी
कि उन्वान-ए-मोहब्बत को भी था अफ़्साना न बन जाना
ये आलम बेख़ूदी-ए-इश्क़ का ऐ 'शौक़' क्या कहिए
तसव्वुर में किसी के आप से बेगाना बन जाना
na ai dil sūrat-e-shaiḳh-e-haram dīvāna ban jaanā
kahīñ aanā na jaanā zā.er-e-but-ḳhāna ban jaanā
tumhārī dīda-e-maḳhmūr ko ye ḳhuub aatā hai
kabhī shīsha kabhī sāġhar kabhī paimāna ban jaanā
ajab aalam hai mad-hosh kā terī josh-e-mastī meñ
kabhī dīvāna ban jaanā kabhī mastāna ban jaanā
dil-e-sozāñ dikhānā jalva husn-o-ishq donoñ kā
kahīñ sham-e-shabistāñ aur kahīñ parvāna ban jaanā
ye thī talqīn-e-sāqī vaqt-e-ruḳhsat apnī mastoñ ko
kahīñ dīvāna ban jaanā kahīñ farzāna ban jaanā
usī meñ kuchh mafar apnā nazar aayā hasīnoñ ko
ki jā kar der meñ chupke but-e-but-ḳhāna ban jaanā
karishme haiñ ye saare jalva-e-husn-e-haqīqī ke
kahīñ āshiq kahīñ andāz-e-māshūqāna ban jaanā
navā-e-rāz sāz-e-ishq be-ḳhud kyuuñ na kar Daale
ki har parde se aatī hai sadā dīvāna ban jaanā
yahī ibrat-sarā-e-dahr kā har roz naqsha hai
kahīñ kāshāna ho jaanā kahīñ vīrāna ban jaanā
ḳhabar kis ko thī yuuñ aalam meñ rusvā.ī mirī hogī
ki unvān-e-mohabbat ko bhī thā afsāna na ban jaanā
ye aalam beḳhūdī-e-ishq kā ai 'shauq' kyā kahiye
tasavvur meñ kisī ke aap se begāna ban jaanā
نہ اے دل صورت شیخ حرم دیوانہ بن جانا
کہیں آنا نہ جانا زائر بت خانہ بن جانا
تمہاری دیدۂ مخمور کو یہ خوب آتا ہے
کبھی شیشہ کبھی ساغر کبھی پیمانہ بن جانا
عجب عالم ہے مدہوشوں کا تیری جوش مستی میں
کبھی دیوانہ بن جانا کبھی مستانہ بن جانا
دل سوزاں دکھانا جلوہ حسن و عشق دونوں کا
کہیں شمع شبستاں اور کہیں پروانہ بن جانا
یہ تھی تلقین ساقی وقت رخصت اپنی مستوں کو
کہیں دیوانہ بن جانا کہیں فرزانہ بن جانا
اسی میں کچھ مفر اپنا نظر آیا حسینوں کو
کہ جا کر دیر میں چپکے بت بت خانہ بن جانا
کرشمے ہیں یہ سارے جلوۂ حسن حقیقی کے
کہیں عاشق کہیں انداز معشوقانہ بن جانا
نوائے راز ساز عشق بے خود کیوں نہ کر ڈالے
کہ ہر پردے سے آتی ہے صدا دیوانہ بن جانا
یہی عبرت سرائے دہر کا ہر روز نقشہ ہے
کہیں کاشانہ ہو جانا کہیں ویرانہ بن جانا
خبر کس کو تھی یوں عالم میں رسوائی مری ہوگی
کہ عنوان محبت کو بھی تھا افسانہ نہ بن جانا
یہ عالم بیخودی عشق کا اے شوقؔ کیا کہئے
تصور میں کسی کے آپ سے بیگانہ بن جانا