मुश्किलों में पड़ गए अपना ख़ुदा कह कर तुझे
तू ही कह दे हम पुकारें और क्या कह कर तुझे
हाल-ए-दिल कहने की क्या अब भी ज़रूरत रह गई
जब पुकारा हम ने अपना दिल-रुबा कह कर तुझे
जादा-ए-मंज़िल पे खा कर ठोकरें होश आ गया
किस क़दर ख़ुश थे हम अपना रहनुमा कह कर तुझे
तेरे होते तेरी दुनिया में ये बेदाद-ओ-सितम
लोग पछताने लगे अपना ख़ुदा कह कर तुझे
इक ज़माना हम से ग़ुस्सा है ये हम ने क्या किया
सब को छोटा कर दिया सब से बड़ा कह कर तुझे
सारी दुनिया से अदावत मोल ले ली मुफ़्त में
हम ने अपना दोस्त अपना हम-नवा कह कर तुझे
आह ये अपना सफ़ीना और गिर्दाब-ए-बला
सख़्त शर्मिंदा हुए हम नाख़ुदा कह कर तुझे
किस तरह ये हम वफ़ादारों से देखा जाएगा
लोग महफ़िल में पुकारें बेवफ़ा कह कर तुझे
और भी उन की निगाहों में मोहज़्ज़ब हो गया
क्या मिला 'सरशार' दिल का माजरा कह कर तुझे
mushkiloñ meñ paḌ ga.e apnā ḳhudā kah kar tujhe
tū hī kah de ham pukāreñ aur kyā kah kar tujhe
hāl-e-dil kahne kī kyā ab bhī zarūrat rah ga.ī
jab pukārā ham ne apnā dil-rubā kah kar tujhe
jāda-e-manzil pe khā kar Thokareñ hosh aa gayā
kis qadar ḳhush the ham apnā rahnumā kah kar tujhe
tere hote terī duniyā meñ ye bedād-o-sitam
log pachhtāne lage apnā ḳhudā kah kar tujhe
ik zamāna ham se ġhussa hai ye ham ne kyā kiyā
sab ko chhoTā kar diyā sab se baḌā kah kar tujhe
saarī duniyā se adāvat mol le lī muft meñ
ham ne apnā dost apnā ham-navā kah kar tujhe
aah ye apnā safīna aur girdāb-e-balā
saḳht sharminda hue ham nāḳhudā kah kar tujhe
kis tarah ye ham vafādāroñ se dekhā jā.egā
log mahfil meñ pukāreñ bevafā kah kar tujhe
aur bhī un kī nigāhoñ meñ mohazzab ho gayā
kyā milā 'sarshār' dil kā mājrā kah kar tujhe
مشکلوں میں پڑ گئے اپنا خدا کہہ کر تجھے
تو ہی کہہ دے ہم پکاریں اور کیا کہہ کر تجھے
حال دل کہنے کی کیا اب بھی ضرورت رہ گئی
جب پکارا ہم نے اپنا دل ربا کہہ کر تجھے
جادۂ منزل پہ کھا کر ٹھوکریں ہوش آ گیا
کس قدر خوش تھے ہم اپنا رہنما کہہ کر تجھے
تیرے ہوتے تیری دنیا میں یہ بیداد و ستم
لوگ پچھتانے لگے اپنا خدا کہہ کر تجھے
اک زمانہ ہم سے غصہ ہے یہ ہم نے کیا کیا
سب کو چھوٹا کر دیا سب سے بڑا کہہ کر تجھے
ساری دنیا سے عداوت مول لے لی مفت میں
ہم نے اپنا دوست اپنا ہم نوا کہہ کر تجھے
آہ یہ اپنا سفینہ اور گرداب بلا
سخت شرمندہ ہوئے ہم ناخدا کہہ کر تجھے
کس طرح یہ ہم وفاداروں سے دیکھا جائے گا
لوگ محفل میں پکاریں بے وفا کہہ کر تجھے
اور بھی ان کی نگاہوں میں مہذب ہو گیا
کیا ملا سرشارؔ دل کا ماجرا کہہ کر تجھے