मुझे पूछा है आ कर तुम ने उस अख़्लाक़-ए-कामिल से
कि मैं शर्मिंदा हो कर रह गया अंदाज़ा-ए-दिल से
नज़र के रुख़ को या तो दिल की जानिब फेर लेने दो
नहीं तो सामने आ जाओ उठ कर पर्दा-ए-दिल से
उमीदें उठ रही हैं सैकड़ों उम्मीदवारों की
मैं तन्हा हूँ मगर तन्हा नहीं उठ्ठूँगा महफ़िल से
अमीर-ए-कारवाँ जिस रौशनी के बल पे बढ़ता है
निकलता है वो तारा सुब्ह होते ख़ाक-ए-मंज़िल से
उन्हें दुनिया अब अश्क-ए-ग़म कहे या ख़ून की बूँदें
मोहब्बत ने चराग़ आँखों में ला कर रख दिए दिल से
अब उस नंग-ए-मोहब्बत से किनारा भी तो मुश्किल है
मुझे जिस की मोहब्बत का यक़ीं आया था मुश्किल से
अभी तो शाम है आग़ाज़ है परवाना-सोज़ी का
कोई इस शम्अ' को आगाह कर दो सुब्ह-ए-महफ़िल से
अभी तहक़ीक़ बेहतर है कि फिर शिकवा अबस होगा
कि मीर-ए-कारवाँ वाक़िफ़ नहीं आदाब-ए-मंज़िल से
मिटाने से कभी नक़्श-ए-मोहब्बत मिट नहीं सकता
मिरा अफ़्साना निकलेगा तिरी रूदाद-ए-महफ़िल से
ग़नीमत है नज़र रौशन है दिल अब तक धड़कता है
मोहब्बत में तो ये आसानियाँ मिलती हैं मुश्किल से
उफ़ुक़ के आइने में हो न हो धारे के साए में
नज़र आती हैं तूफ़ानों की सरहद जैसे साहिल से
तिरा जल्वा तो क्या तू ख़ुद भी तफ़रीह-ए-नज़र होता
मिरी आँखों ने अब तक भीक माँगी ही नहीं दिल से
सितम की आख़िरी मंज़िल पे इज़हार-ए-पशेमानी
निकल आते हैं आँसू यूँ तो हर दुखते हुए दिल से
मैं इक ज़र्रा हूँ लेकिन वुसअ'त-ए-सहरा से वाक़िफ़ हूँ
उठा सकता नहीं ख़ुद मीर-ए-महफ़िल मुझ को महफ़िल से
तहय्या कर लिया तंग आ के गो तर्क-ए-तअ'ल्लुक़ का
मगर अब फ़िक्र है ये ख़त उन्हें लिक्खेंगे किस दिल से
मुझे 'एहसान' मेरे क़ाफ़िले वालों ने अब समझा
कि ये ज़र्रा सितारा बन गया तक़दीर-ए-मंज़िल से
mujhe pūchhā hai aa kar tum ne us aḳhlāq-e-kāmil se
ki maiñ sharminda ho kar rah gayā andāza-e-dil se
nazar ke ruḳh ko yā to dil kī jānib pher lene do
nahīñ to sāmne aa jaao uTh kar parda-e-dil se
umīdeñ uTh rahī haiñ saikḌoñ ummīdvāroñ kī
maiñ tanhā huuñ magar tanhā nahīñ uTThūñgā mahfil se
amīr-e-kārvāñ jis raushnī ke bal pe baḌhtā hai
nikaltā hai vo taarā sub.h hote ḳhāk-e-manzil se
unheñ duniyā ab ashk-e-ġham kahe yā ḳhuun kī būñdeñ
mohabbat ne charāġh āñkhoñ meñ lā kar rakh diye dil se
ab us nañg-e-mohabbat se kināra bhī to mushkil hai
mujhe jis kī mohabbat kā yaqīñ aayā thā mushkil se
abhī to shaam hai āġhāz hai parvāna-sozī kā
koī is sham.a ko āgāh kar do sub.h-e-mahfil se
abhī tahqīq behtar hai ki phir shikva abas hogā
ki mīr-e-kārvāñ vāqif nahīñ ādāb-e-manzil se
miTāne se kabhī naqsh-e-mohabbat miT nahīñ saktā
mirā afsāna niklegā tirī rūdād-e-mahfil se
ġhanīmat hai nazar raushan hai dil ab tak dhaḌaktā hai
mohabbat meñ to ye āsāniyāñ miltī haiñ mushkil se
ufuq ke aa.ine meñ ho na ho dhāre ke saa.e meñ
nazar aatī haiñ tūfānoñ kī sarhad jaise sāhil se
tirā jalva to kyā tū ḳhud bhī tafrīh-e-nazar hotā
mirī āñkhoñ ne ab tak bhiik māñgī hī nahīñ dil se
sitam kī āḳhirī manzil pe iz.hār-e-pashemānī
nikal aate haiñ aañsū yuuñ to har dukhte hue dil se
maiñ ik zarra huuñ lekin vus.at-e-sahrā se vāqif huuñ
uThā saktā nahīñ ḳhud mīr-e-mahfil mujh ko mahfil se
tahayya kar liyā tañg aa ke go tark-e-ta.alluq kā
magar ab fikr hai ye ḳhat unheñ likkheñge kis dil se
mujhe 'ehsān' mere qāfile vāloñ ne ab samjhā
ki ye zarra sitārā ban gayā taqdīr-e-manzil se
مجھے پوچھا ہے آ کر تم نے اس اخلاق کامل سے
کہ میں شرمندہ ہو کر رہ گیا اندازۂ دل سے
نظر کے رخ کو یا تو دل کی جانب پھیر لینے دو
نہیں تو سامنے آ جاؤ اٹھ کر پردۂ دل سے
امیدیں اٹھ رہی ہیں سیکڑوں امیدواروں کی
میں تنہا ہوں مگر تنہا نہیں اٹھوں گا محفل سے
امیر کارواں جس روشنی کے بل پہ بڑھتا ہے
نکلتا ہے وہ تارا صبح ہوتے خاک منزل سے
انہیں دنیا اب اشک غم کہے یا خون کی بوندیں
محبت نے چراغ آنکھوں میں لا کر رکھ دئے دل سے
اب اس ننگ محبت سے کنارہ بھی تو مشکل ہے
مجھے جس کی محبت کا یقیں آیا تھا مشکل سے
ابھی تو شام ہے آغاز ہے پروانہ سوزی کا
کوئی اس شمع کو آگاہ کر دو صبح محفل سے
ابھی تحقیق بہتر ہے کہ پھر شکوہ عبث ہوگا
کہ میر کارواں واقف نہیں آداب منزل سے
مٹانے سے کبھی نقش محبت مٹ نہیں سکتا
مرا افسانہ نکلے گا تری روداد محفل سے
غنیمت ہے نظر روشن ہے دل اب تک دھڑکتا ہے
محبت میں تو یہ آسانیاں ملتی ہیں مشکل سے
افق کے آئنے میں ہو نہ ہو دھارے کے سائے میں
نظر آتی ہیں طوفانوں کی سرحد جیسے ساحل سے
ترا جلوہ تو کیا تو خود بھی تفریح نظر ہوتا
مری آنکھوں نے اب تک بھیک مانگی ہی نہیں دل سے
ستم کی آخری منزل پہ اظہار پشیمانی
نکل آتے ہیں آنسو یوں تو ہر دکھتے ہوئے دل سے
میں اک ذرہ ہوں لیکن وسعت صحرا سے واقف ہوں
اٹھا سکتا نہیں خود میر محفل مجھ کو محفل سے
تہیہ کر لیا تنگ آ کے گو ترک تعلق کا
مگر اب فکر ہے یہ خط انہیں لکھیں گے کس دل سے
مجھے احسانؔ میرے قافلے والوں نے اب سمجھا
کہ یہ ذرہ ستارا بن گیا تقدیر منزل سے