मुझे मिटाता रहा है ये आसमान बहुत
मगर ज़मीं पे हैं अब भी मिरे निशान बहुत
है लुत्फ़ कुछ तो है मेरे जदीद लहजे में
क़दीम वर्ना है मेरी भी दास्तान बहुत
तलाश हो भी तो क्या साया-ए-शजर की मुझे
मिरे लिए है ये सूरज का साएबान बहुत
अब आगे उन के दिलों में है क्या ख़ुदा जाने
नज़र तो आते हैं ये लोग मेहरबान बहुत
अजब नहीं कि मैं दरिया न पार कर पाऊँ
शिकस्ता है मिरी कश्ती का बादबान बहुत
बहाए प्यार ने चश्मे हज़ार-हा लेकिन
है सख़्त अब भी तिरे दर्द की चटान बहुत
पता नहीं ये मुझे आज-कल हुआ क्या है
मैं अपनी ज़ात से 'ख़ावर' हूँ बद-गुमान बहुत
mujhe miTātā rahā hai ye āsmān bahut
magar zamīñ pe haiñ ab bhī mire nishān bahut
hai lutf kuchh to hai mere jadīd lahje meñ
qadīm varna hai merī bhī dāstān bahut
talāsh ho bhī to kyā sāya-e-shajar kī mujhe
mire liye hai ye sūraj kā sā.ebān bahut
ab aage un ke diloñ meñ hai kyā ḳhudā jaane
nazar to aate haiñ ye log mehrbān bahut
ajab nahīñ ki maiñ dariyā na paar kar pā.ūñ
shikasta hai mirī kashtī kā bādbān bahut
bahā.e pyaar ne chashme hazār-hā lekin
hai saḳht ab bhī tire dard kī chaTān bahut
patā nahīñ ye mujhe āj-kal huā kyā hai
maiñ apnī zaat se 'ḳhāvar' huuñ bad-gumān bahut
مجھے مٹاتا رہا ہے یہ آسمان بہت
مگر زمیں پہ ہیں اب بھی مرے نشان بہت
ہے لطف کچھ تو ہے میرے جدید لہجے میں
قدیم ورنہ ہے میری بھی داستان بہت
تلاش ہو بھی تو کیا سایۂ شجر کی مجھے
مرے لیے ہے یہ سورج کا سائبان بہت
اب آگے ان کے دلوں میں ہے کیا خدا جانے
نظر تو آتے ہیں یہ لوگ مہربان بہت
عجب نہیں کہ میں دریا نہ پار کر پاؤں
شکستہ ہے مری کشتی کا بادبان بہت
بہائے پیار نے چشمے ہزارہا لیکن
ہے سخت اب بھی ترے درد کی چٹان بہت
پتا نہیں یہ مجھے آج کل ہوا کیا ہے
میں اپنی ذات سے خاورؔ ہوں بد گمان بہت