मुझे बाग़बाँ से गिला ये है कि चमन से बे-ख़बरी रही
कि है नख़्ल-ए-गुल का तो ज़िक्र क्या कोई शाख़ तक न हरी रही
मिरा हाल देख के साक़िया कोई बादा-ख़्वार न पी सका
तिरे जाम ख़ाली न हो सके मिरी चश्म-ए-तर न भरी रही
मैं क़फ़स को तोड़ के क्या करूँ मुझे रात दिन ये ख़याल है
ये बहार भी यूँ ही जाएगी जो यही शिकस्ता-परी रही
मुझे अलम तेरे जमाल का न ख़बर है तेरे जलाल की
ये कलीम जाने कि तूर पर तिरी कैसी जल्वागरी रही
मैं अज़ल से आया तो क्या मिला जो मैं जाऊँगा तो मिलेगा क्या
मिरी जब भी दर-ब-दरी रही मिरी अब भी दर-ब-दरी रही
यही सोचता हूँ शब-ए-अलम कि न आए वो तो हुआ है क्या
वहाँ जा सकी न मिरी फ़ुग़ाँ कि फ़ुग़ाँ की बे-असरी रही
शब-ए-व'अदा वो जो न आ सके तो 'क़मर' कहूँगा ये चर्ख़ से
तिरे तारे भी गए राएगाँ तिरी चाँदनी भी धरी रही
mujhe bāġhbāñ se gila ye hai ki chaman se be-ḳhabarī rahī
ki hai naḳhl-e-gul kā to zikr kyā koī shāḳh tak na harī rahī
mirā haal dekh ke sāqiyā koī bāda-ḳhvār na pī sakā
tire jaam ḳhālī na ho sake mirī chashm-e-tar na bharī rahī
maiñ qafas ko toḌ ke kyā karūñ mujhe raat din ye ḳhayāl hai
ye bahār bhī yuuñ hī jā.egī jo yahī shikasta-parī rahī
mujhe alam tere jamāl kā na ḳhabar hai tere jalāl kī
ye kalīm jaane ki tuur par tirī kaisī jalvagarī rahī
maiñ azal se aayā to kyā milā jo maiñ jā.ūñgā to milegā kyā
mirī jab bhī dar-ba-darī rahī mirī ab bhī dar-ba-darī rahī
yahī sochtā huuñ shab-e-alam ki na aa.e vo to huā hai kyā
vahāñ jā sakī na mirī fuġhāñ ki fuġhāñ kī be-asarī rahī
shab-e-va.ada vo jo na aa sake to 'qamar' kahūñgā ye charḳh se
tire taare bhī ga.e rā.egāñ tirī chāñdnī bhī dharī rahī
مجھے باغباں سے گلہ یہ ہے کہ چمن سے بے خبری رہی
کہ ہے نخل گل کا تو ذکر کیا کوئی شاخ تک نہ ہری رہی
مرا حال دیکھ کے ساقیا کوئی بادہ خوار نہ پی سکا
ترے جام خالی نہ ہو سکے مری چشم تر نہ بھری رہی
میں قفس کو توڑ کے کیا کروں مجھے رات دن یہ خیال ہے
یہ بہار بھی یوں ہی جائے گی جو یہی شکستہ پری رہی
مجھے علم تیرے جمال کا نہ خبر ہے تیرے جلال کی
یہ کلیم جانے کہ طور پر تری کیسی جلوہ گری رہی
میں ازل سے آیا تو کیا ملا جو میں جاؤں گا تو ملے گا کیا
مری جب بھی در بدری رہی مری اب بھی در بدری رہی
یہی سوچتا ہوں شب الم کہ نہ آئے وہ تو ہوا ہے کیا
وہاں جا سکی نہ مری فغاں کہ فغاں کی بے اثری رہی
شب وعدہ وہ جو نہ آ سکے تو قمرؔ کہوں گا یہ چرخ سے
ترے تارے بھی گئے رائیگاں تری چاندنی بھی دھری رہی