मुझ में से रफ़्ता रफ़्ता घटाता रहा मुझे
वो थोड़ा थोड़ा रोज़ चुराता रहा मुझे
मेरे परों में मेरी ज़मीं बाँधने के बा'द
वो अपनी कहकशाँ में बुलाता रहा मुझे
हर रात आँसुओं से भिगोया मिरा बदन
हर सुब्ह धूप दे के सुखाता रहा मुझे
सिगरेट पीता मैं भी लबों से लगा रहा
वो भी धुआँ बना के उड़ाता रहा मुझे
उस को थी धुन कि मुझ को बनाएगा वो गुलाब
काँटों के बीच रोज़ सजाता रहा मुझे
पानी की तरह मैं भी था मुफ़्त उस के हाथ में
और वो भी बे-दरेग़ बहाता रहा मुझे
उस को ही मैं ने डस लिया इक रोज़ आख़िरश
जो अपनी आस्तीं में छुपाता रहा मुझे
उस के नमक से था मिरा पैकर बना हुआ
बारिश से इस लिए वो बचाता रहा मुझे
mujh meñ se rafta rafta ghaTātā rahā mujhe
vo thoḌā thoḌā roz churātā rahā mujhe
mere paroñ meñ merī zamīñ bāñdhne ke ba.ad
vo apnī kahkashāñ meñ bulātā rahā mujhe
har raat āñsuoñ se bhigoyā mirā badan
har sub.h dhuup de ke sukhātā rahā mujhe
cigarette piitā maiñ bhī laboñ se lagā rahā
vo bhī dhuāñ banā ke uḌātā rahā mujhe
us ko thī dhun ki mujh ko banā.egā vo gulāb
kāñToñ ke biich roz sajātā rahā mujhe
paanī kī tarah maiñ bhī thā muft us ke haath meñ
aur vo bhī be-dareġh bahātā rahā mujhe
us ko hī maiñ ne Das liyā ik roz āḳhirash
jo apnī āstīñ meñ chhupātā rahā mujhe
us ke namak se thā mirā paikar banā huā
bārish se is liye vo bachātā rahā mujhe
مجھ میں سے رفتہ رفتہ گھٹاتا رہا مجھے
وہ تھوڑا تھوڑا روز چراتا رہا مجھے
میرے پروں میں میری زمیں باندھنے کے بعد
وہ اپنی کہکشاں میں بلاتا رہا مجھے
ہر رات آنسوؤں سے بھگویا مرا بدن
ہر صبح دھوپ دے کے سکھاتا رہا مجھے
سگریٹ پیتا میں بھی لبوں سے لگا رہا
وہ بھی دھواں بنا کے اڑاتا رہا مجھے
اس کو تھی دھن کہ مجھ کو بنائے گا وہ گلاب
کانٹوں کے بیچ روز سجاتا رہا مجھے
پانی کی طرح میں بھی تھا مفت اس کے ہاتھ میں
اور وہ بھی بے دریغ بہاتا رہا مجھے
اس کو ہی میں نے ڈس لیا اک روز آخرش
جو اپنی آستیں میں چھپاتا رہا مجھے
اس کے نمک سے تھا مرا پیکر بنا ہوا
بارش سے اس لئے وہ بچاتا رہا مجھے