मुझ में से मिरे जुब्बा-ओ-दस्तार नफ़ी कर
रह जाऊँ अगर बाक़ी तो तशरीह मिरी कर
सब इल्म-ओ-हुनर भूल के बचपन में चला जाऊँ
ऐ साहब-ए-सहर ऐसी कोई जादूगरी कर
दीवारों से बटते हैं ख़िरद-मंदों के ख़ित्ते
तू दश्त-ए-जुनूँ में न ये दीवार खड़ी कर
इक क़ाफ़िला प्यासों का गुज़रना है यहाँ से
ऐ दश्त-ए-बला अपने सरापा को निरी कर
मैं घर में ही पीता हूँ मगर यारों की ख़ातिर
घर से तिरे मयख़ाने में आ जाता हूँ पी कर
इक चाक गरेबाँ में है इक चाक है दिल में
क्या होगा फ़क़त चाक-ए-गरेबान को सी कर
जो ज़ुल्म की रह पर हैं उन्हें राह से भटका
अच्छा भी कोई काम तू ऐ तीरा-शबी कर
गर कुछ भी नहीं पास तो मिट्टी से ही भर ले
ऐ साहब-ए-ख़ैरात तू दामन न तही कर
mujh meñ se mire jubba-o-dastār nafī kar
rah jā.ūñ agar baaqī to tashrīh mirī kar
sab ilm-o-hunar bhuul ke bachpan meñ chalā jā.ūñ
ai sāhab-e-sahar aisī koī jādūgarī kar
dīvāroñ se baTte haiñ ḳhirad-mandoñ ke ḳhitte
tū dasht-e-junūñ meñ na ye dīvār khaḌī kar
ik qāfila pyāsoñ kā guzarnā hai yahāñ se
ai dasht-e-balā apne sarāpā ko nirī kar
maiñ ghar meñ hī piitā huuñ magar yāroñ kī ḳhātir
ghar se tire maiḳhāne meñ aa jaatā huuñ pī kar
ik chaak garebāñ meñ hai ik chaak hai dil meñ
kyā hogā faqat chāk-e-garebān ko sī kar
jo zulm kī rah par haiñ unheñ raah se bhaTkā
achchhā bhī koī kaam tū ai tīra-shabī kar
gar kuchh bhī nahīñ paas to miTTī se hī bhar le
ai sāhab-e-ḳhairāt tū dāman na tahī kar
مجھ میں سے مرے جبہ و دستار نفی کر
رہ جاؤں اگر باقی تو تشریح مری کر
سب علم و ہنر بھول کے بچپن میں چلا جاؤں
اے صاحب سحر ایسی کوئی جادوگری کر
دیواروں سے بٹتے ہیں خرد مندوں کے خطے
تو دشت جنوں میں نہ یہ دیوار کھڑی کر
اک قافلہ پیاسوں کا گزرنا ہے یہاں سے
اے دشت بلا اپنے سراپا کو نری کر
میں گھر میں ہی پیتا ہوں مگر یاروں کی خاطر
گھر سے ترے میخانے میں آ جاتا ہوں پی کر
اک چاک گریباں میں ہے اک چاک ہے دل میں
کیا ہوگا فقط چاک گریبان کو سی کر
جو ظلم کی رہ پر ہیں انہیں راہ سے بھٹکا
اچھا بھی کوئی کام تو اے تیرہ شبی کر
گر کچھ بھی نہیں پاس تو مٹی سے ہی بھر لے
اے صاحب خیرات تو دامن نہ تہی کر