मुझ को नहीं मालूम कि वो कौन है क्या है
जो साए के मानिंद मिरे साथ लगा है
इक और भी है जिस्म मिरे जिस्म के अंदर
इक और भी चेहरा मिरे चेहरे में छुपा है
महताब तो आएगा न सीढ़ी से उतर कर
दीवाना किस उम्मीद पे रस्ते में खड़ा है
मिलने की तमन्ना है मगर उस से मिलें क्या
जिस शख़्स का इस शहर में घर है न पता है
लिखता हूँ नई नज़्म-ओ-ग़ज़ल जिस के सबब मैं
वो ज़ौक़-ए-सुख़न तो मुझे विर्से में मिला है
मैदाँ में चले आओ तो खुल जाए ये तुम पर
क्या शाम की सरशार हवाओं में मज़ा है
सोचा था मिरे साथ चलेगा जो सफ़र में
घर पर वो मिरा ख़्वाब-ए-हसीं छूट गया है
हम 'मीर' का दीवान थे क्या फ़हम पे खुलते
अख़बार समझ कर हमें लोगों ने पढ़ा है
कहते हैं कि उस शहर में है धूम हमारी
देखा है किसी ने न जहाँ हम को सुना है
बाहर से कोई आज तो 'ख़ावर' को पुकारे
कमरे में बहुत रोज़ से वो बंद पड़ा है
mujh ko nahīñ ma.alūm ki vo kaun hai kyā hai
jo saa.e ke mānind mire saath lagā hai
ik aur bhī hai jism mire jism ke andar
ik aur bhī chehra mire chehre meñ chhupā hai
mahtāb to aa.egā na sīḌhī se utar kar
dīvāna kis ummīd pe raste meñ khaḌā hai
milne kī tamannā hai magar us se mileñ kyā
jis shaḳhs kā is shahr meñ ghar hai na patā hai
likhtā huuñ na.ī nazm-o-ġhazal jis ke sabab maiñ
vo zauq-e-suḳhan to mujhe virse meñ milā hai
maidāñ meñ chale aao to khul jaa.e ye tum par
kyā shaam kī sarshār havāoñ meñ mazā hai
sochā thā mire saath chalegā jo safar meñ
ghar par vo mirā ḳhvāb-e-hasīñ chhūT gayā hai
ham 'mīr' kā dīvān the kyā fahm pe khulte
aḳhbār samajh kar hameñ logoñ ne paḌhā hai
kahte haiñ ki us shahr meñ hai dhuum hamārī
dekhā hai kisī ne na jahāñ ham ko sunā hai
bāhar se koī aaj to 'ḳhāvar' ko pukāre
kamre meñ bahut roz se vo band paḌā hai
مجھ کو نہیں معلوم کہ وہ کون ہے کیا ہے
جو سائے کے مانند مرے ساتھ لگا ہے
اک اور بھی ہے جسم مرے جسم کے اندر
اک اور بھی چہرہ مرے چہرے میں چھپا ہے
مہتاب تو آئے گا نہ سیڑھی سے اتر کر
دیوانہ کس امید پہ رستے میں کھڑا ہے
ملنے کی تمنا ہے مگر اس سے ملیں کیا
جس شخص کا اس شہر میں گھر ہے نہ پتا ہے
لکھتا ہوں نئی نظم و غزل جس کے سبب میں
وہ ذوق سخن تو مجھے ورثے میں ملا ہے
میداں میں چلے آؤ تو کھل جائے یہ تم پر
کیا شام کی سرشار ہواؤں میں مزا ہے
سوچا تھا مرے ساتھ چلے گا جو سفر میں
گھر پر وہ مرا خواب حسیں چھوٹ گیا ہے
ہم میرؔ کا دیوان تھے کیا فہم پہ کھلتے
اخبار سمجھ کر ہمیں لوگوں نے پڑھا ہے
کہتے ہیں کہ اس شہر میں ہے دھوم ہماری
دیکھا ہے کسی نے نہ جہاں ہم کو سنا ہے
باہر سے کوئی آج تو خاورؔ کو پکارے
کمرے میں بہت روز سے وہ بند پڑا ہے