मुझ को ख़ाक-ए-दर-ए-मय-ख़ाना बनाया होता
फिर उसी ख़ाक से पैमाना बनाया होता
जल्वा-गर हुस्न-ए-मजाज़ी में हक़ीक़त होती
का'बा-ए-दिल को सनम-ख़ाना बनाया होता
न मुझे रंग-ए-चमन से कोई मतलब होता
सूरत-ए-सब्ज़ा-ए-बेगाना बनाया होता
आप-बीती जो सुनाता हूँ तो कह देते हैं
इस से बेहतर कोई अफ़्साना बनाया होता
मय-कशों के जो मुक़द्दर में न थे ये दाने
नख़्ल-ए-अंगूर को बे-दाना बनाया होता
उम्र भर ख़ाना-ए-ख़ुम्मार में सर-ख़ुश रहते
ज़िंदगी का यही पैमाना बनाया होता
कुफ़्र-ओ-ईमाँ में न रहती ये कशाकश 'कैफ़ी'
का'बा-ओ-दैर को मय-ख़ाना बनाया होता
mujh ko ḳhāk-e-dar-e-mai-ḳhāna banāyā hotā
phir usī ḳhaak se paimāna banāyā hotā
jalva-gar husn-e-majāzī meñ haqīqat hotī
ka.aba-e-dil ko sanam-ḳhāna banāyā hotā
na mujhe rañg-e-chaman se koī matlab hotā
sūrat-e-sabza-e-begāna banāyā hotā
āp-bītī jo sunātā huuñ to kah dete haiñ
is se behtar koī afsāna banāyā hotā
mai-kashoñ ke jo muqaddar meñ na the ye daane
naḳhl-e-añgūr ko be-dāna banāyā hotā
umr bhar ḳhāna-e-ḳhummar meñ sar-ḳhush rahte
zindagī kā yahī paimāna banāyā hotā
kufr-o-īmāñ meñ na rahtī ye kashākash 'kaifī'
ka.aba-o-dair ko mai-ḳhāna banāyā hotā
مجھ کو خاک در مے خانہ بنایا ہوتا
پھر اسی خاک سے پیمانہ بنایا ہوتا
جلوہ گر حسن مجازی میں حقیقت ہوتی
کعبۂ دل کو صنم خانہ بنایا ہوتا
نہ مجھے رنگ چمن سے کوئی مطلب ہوتا
صورت سبزۂ بیگانہ بنایا ہوتا
آپ بیتی جو سناتا ہوں تو کہہ دیتے ہیں
اس سے بہتر کوئی افسانہ بنایا ہوتا
مے کشوں کے جو مقدر میں نہ تھے یہ دانے
نخل انگور کو بے دانہ بنایا ہوتا
عمر بھر خانہ خمار میں سر خوش رہتے
زندگی کا یہی پیمانہ بنایا ہوتا
کفر و ایماں میں نہ رہتی یہ کشاکش کیفیؔ
کعبہ و دیر کو مے خانہ بنایا ہوتا