मुफ़लिसों पर जब कभी आया शबाब
घड़ लिए दुनिया ने क़िस्से बे-हिसाब
कौन जाने उन की क्या ता'बीर हो
हम ने आँखों में सजाए हैं जो ख़्वाब
लड़खड़ा जाएँ न क्यों हम बे-पिए
उन की आँखों से छलकती है शराब
हाए हम उस का मुक़द्दर क्या कहें
एक दिल है और ग़म हैं बे-हिसाब
लज़्ज़त-ए-शीरीनी-ए-हस्ती कहाँ
तल्ख़ियों में कट गया दौर-ए-शबाब
राहबर ने हर क़दम धोका दिया
मैं ये समझा मेरी क़िस्मत है ख़राब
दरहम-ओ-बरहम है नज़्म-ए-ज़िंदगी
ऐ ग़म-ए-दौराँ तिरा ख़ाना-ख़राब
होश कर ऐ शोख़ अब भी वक़्त है
तुझ को ले डूबेंगे ये जन्नत के ख़्वाब
हम से दुनिया ने छुपाए थे जो राज़
ख़ुद-ब-ख़ुद होने लगे वो बे-नक़ाब
ज़िंदगी भर हज़रत-ए-'आसी' रहे
रहगुज़ार-ए-शौक़ मैं ना-कामयाब
muflisoñ par jab kabhī aayā shabāb
ghaḌ liye duniyā ne qisse be-hisāb
kaun jaane un kī kyā ta.abīr ho
ham ne āñkhoñ meñ sajā.e haiñ jo ḳhvāb
laḌkhaḌā jaa.eñ na kyoñ ham be-piye
un kī āñkhoñ se chhalaktī hai sharāb
haa.e ham us kā muqaddar kyā kaheñ
ek dil hai aur ġham haiñ be-hisāb
lazzat-e-shīrīnī-e-hastī kahāñ
talḳhiyoñ meñ kaT gayā daur-e-shabāb
rāhbar ne har qadam dhokā diyā
maiñ ye samjhā merī qismat hai ḳharāb
darham-o-barham hai nazm-e-zindagī
ai ġham-e-daurāñ tirā ḳhāna-ḳharāb
hosh kar ai shoḳh ab bhī vaqt hai
tujh ko le Dūbeñge ye jannat ke ḳhvāb
ham se duniyā ne chhupā.e the jo raaz
ḳhud-ba-ḳhud hone lage vo be-naqāb
zindagī bhar hazrat-e-'āsī' rahe
rahguzār-e-shauq maiñ nā-kāmyāb
مفلسوں پر جب کبھی آیا شباب
گھڑ لئے دنیا نے قصے بے حساب
کون جانے ان کی کیا تعبیر ہو
ہم نے آنکھوں میں سجائے ہیں جو خواب
لڑکھڑا جائیں نہ کیوں ہم بے پیے
ان کی آنکھوں سے چھلکتی ہے شراب
ہائے ہم اس کا مقدر کیا کہیں
ایک دل ہے اور غم ہیں بے حساب
لذت شیرینیٔ ہستی کہاں
تلخیوں میں کٹ گیا دور شباب
راہبر نے ہر قدم دھوکا دیا
میں یہ سمجھا میری قسمت ہے خراب
درہم و برہم ہے نظم زندگی
اے غم دوراں ترا خانہ خراب
ہوش کر اے شوخ اب بھی وقت ہے
تجھ کو لے ڈوبیں گے یہ جنت کے خواب
ہم سے دنیا نے چھپائے تھے جو راز
خود بہ خود ہونے لگے وہ بے نقاب
زندگی بھر حضرت عاصیؔ رہے
رہ گزار شوق میں نا کامیاب