मोहब्बत की रंगीनियाँ छोड़ आए
तिरे शहर में इक जहाँ छोड़ आए
पहाड़ों की वो मस्त शादाब वादी
जहाँ हम दिल-ए-नग़्मा-ख़्वाँ छोड़ आए
वो सब्ज़ा वो दरिया वो पेड़ों के साए
वो गीतों भरी बस्तियाँ छोड़ आए
हसीं पनघटों का वो चाँदी सा पानी
वो बरखा की रुत वो समाँ छोड़ आए
बहुत दूर हम आ गए उस गली से
बहुत दूर वो आस्ताँ छोड़ आए
बहुत मेहरबाँ थीं वो गुल-पोश राहें
मगर हम उन्हें मेहरबाँ छोड़ आए
बगूलों की सूरत यहाँ फिर रहे हैं
नशेमन सर-ए-गुलसिताँ छोड़ आए
ये ए'जाज़ है हुस्न-ए-आवारगी का
जहाँ भी गए दास्ताँ छोड़ आए
चले आए उन रह-गुज़ारों से 'जालिब'
मगर हम वहाँ क़ल्ब-ओ-जाँ छोड़ आए
mohabbat kī rangīniyāñ chhoḌ aa.e
tire shahr meñ ik jahāñ chhoḌ aa.e
pahāḌoñ kī vo mast shādāb vaadī
jahāñ ham dil-e-naġhma-ḳhvāñ chhoḌ aa.e
vo sabza vo dariyā vo peḌoñ ke saa.e
vo gītoñ bharī bastiyāñ chhoḌ aa.e
hasīñ panghaToñ kā vo chāñdī sā paanī
vo barkhā kī rut vo samāñ chhoḌ aa.e
bahut duur ham aa ga.e us galī se
bahut duur vo āstāñ chhoḌ aa.e
bahut mehrbāñ thiiñ vo gul-posh rāheñ
magar ham unheñ mehrbāñ chhoḌ aa.e
bagūloñ kī sūrat yahāñ phir rahe haiñ
nasheman sar-e-gulsitāñ chhoḌ aa.e
ye e'jāz hai husn-e-āvārgī kā
jahāñ bhī ga.e dāstāñ chhoḌ aa.e
chale aa.e un rah-guzāroñ se 'jālib'
magar ham vahāñ qalb-o-jāñ chhoḌ aa.e
محبت کی رنگینیاں چھوڑ آئے
ترے شہر میں اک جہاں چھوڑ آئے
پہاڑوں کی وہ مست شاداب وادی
جہاں ہم دل نغمہ خواں چھوڑ آئے
وہ سبزہ وہ دریا وہ پیڑوں کے سائے
وہ گیتوں بھری بستیاں چھوڑ آئے
حسیں پنگھٹوں کا وہ چاندی سا پانی
وہ برکھا کی رت وہ سماں چھوڑ آئے
بہت دور ہم آ گئے اس گلی سے
بہت دور وہ آستاں چھوڑ آئے
بہت مہرباں تھیں وہ گلپوش راہیں
مگر ہم انہیں مہرباں چھوڑ آئے
بگولوں کی صورت یہاں پھر رہے ہیں
نشیمن سر گلستاں چھوڑ آئے
یہ اعجاز ہے حسن آوارگی کا
جہاں بھی گئے داستاں چھوڑ آئے
چلے آئے ان رہ گذاروں سے جالبؔ
مگر ہم وہاں قلب و جاں چھوڑ آئے