मिरी बे-क़रारी मिरी आह-ओ-ज़ारी ये वहशत नहीं है तो फिर और क्या है
परेशाँ तो रहना मगर कुछ न कहना मोहब्बत नहीं है तो फिर और क्या है
ग़म-ए-ज़िंदगी नाला-ए-सुब्ह-गाही मिरे शैख़ साहब की वाही तबाही
अगर उन के होते वजूद-ए-इलाही हक़ीक़त नहीं है तो फिर और क्या है
तिरी ख़ुद-पसंदी मिरी वज़्अ'-दारी तिरी बे-नियाज़ी मिरी दोस्त-दारी
जुनून-ए-मुरव्वत ब-हर-रंग तारी मुसीबत नहीं है तो फिर और क्या है
ग़रीबों को बद-हाल-ओ-मजबूर रखना उन्हें फ़िक्रमंद और रंजूर रखना
उन्हें अपना कहना मगर दूर रखना ये हिकमत नहीं है तो फिर और क्या है
तिरी राह में हर क़दम जान देना मुसीबत भी आए तो सर अपने लेना
मोहब्बत की कश्ती ब-हर-हाल खेना रिफ़ाक़त नहीं है तो फिर और क्या है
mirī be-qarārī mirī āh-o-zārī ye vahshat nahīñ hai to phir aur kyā hai
pareshāñ to rahnā magar kuchh na kahnā mohabbat nahīñ hai to phir aur kyā hai
ġham-e-zindagī nāla-e-sub.h-gāhī mire shaiḳh sāhab kī vaahī tabāhī
agar un ke hote vajūd-e-ilāhī haqīqat nahīñ hai to phir aur kyā hai
tirī ḳhud-pasandī mirī vaz.a-dārī tirī be-niyāzī mirī dost-dārī
junūn-e-muravvat ba-har-rañg taarī musībat nahīñ hai to phir aur kyā hai
ġharīboñ ko bad-hāl-o-majbūr rakhnā unheñ fikrmand aur ranjūr rakhnā
unheñ apnā kahnā magar duur rakhnā ye hikmat nahīñ hai to phir aur kyā hai
tirī raah meñ har qadam jaan denā musībat bhī aa.e to sar apne lenā
mohabbat kī kashtī ba-har-hāl khenā rifāqat nahīñ hai to phir aur kyā hai
مری بے قراری مری آہ و زاری یہ وحشت نہیں ہے تو پھر اور کیا ہے
پریشاں تو رہنا مگر کچھ نہ کہنا محبت نہیں ہے تو پھر اور کیا ہے
غم زندگی نالۂ صبح گاہی مرے شیخ صاحب کی واہی تباہی
اگر ان کے ہوتے وجود الٰہی حقیقت نہیں ہے تو پھر اور کیا ہے
تری خود پسندی مری وضع داری تری بے نیازی مری دوست داری
جنون مروت بہ ہر رنگ طاری مصیبت نہیں ہے تو پھر اور کیا ہے
غریبوں کو بد حال و مجبور رکھنا انہیں فکر مند اور رنجور رکھنا
انہیں اپنا کہنا مگر دور رکھنا یہ حکمت نہیں ہے تو پھر اور کیا ہے
تری راہ میں ہر قدم جان دینا مصیبت بھی آئے تو سر اپنے لینا
محبت کی کشتی بہ ہر حال کھینا رفاقت نہیں ہے تو پھر اور کیا ہے