मिरे मिटाने की तदबीर थी हिजाब न था
वगरना कौन से दिन हुस्न बे-नक़ाब न था
अगरचे नाज़-कश-ए-साग़र-ए-शराब न था
ख़ुमार-ख़ाने में मुझ सा कोई ख़राब न था
खुला तिलिस्म-ए-तमन्ना तो खुल गया ये भी
कि इक फ़रेब-ए-नज़र था तिरा शबाब न था
ख़याल-ए-दोस्त तिरी जल्वा-ताबियों की क़सम
जो तू न था मिरी दुनिया में आफ़्ताब न था
तिरे फ़िराक़ की रातें थीं इस क़दर मग़्मूम
कि दाग़-ए-ख़ातिर-ए-महज़ूँ था माहताब न था
बुरा हो नाला-ए-पैहम का कुछ दिनों पहले
ख़मोश रात के दिल में ये पेच-ओ-ताब न था
निगाह मिलते ही ग़श खा के गिर पड़ीं नज़रें
थी एक बर्क़-ए-मुशक्कल तिरा शबाब न था
अज़ल के दिन से हैं हम मस्त-ए-जल्वा-ए-साक़ी
हमारे सामने किस रोज़ आफ़्ताब न था
कुछ अपने साज़-ए-नफ़स की न क़द्र की तू ने
कि इस रबाब से बेहतर कोई रबाब न था
दिल-ए-ख़राब का 'एहसान' अब ख़ुदा-हाफ़िज़
ख़राब था मगर ऐसा कभी ख़राब न था
mire miTāne kī tadbīr thī hijāb na thā
vagarna kaun se din husn be-naqāb na thā
agarche nāz-kash-e-sāġhar-e-sharāb na thā
ḳhumār-ḳhāne meñ mujh sā koī ḳharāb na thā
khulā tilism-e-tamannā to khul gayā ye bhī
ki ik fareb-e-nazar thā tirā shabāb na thā
ḳhayāl-e-dost tirī jalva-tābiyoñ kī qasam
jo tū na thā mirī duniyā meñ āftāb na thā
tire firāq kī rāteñ thiiñ is qadar maġhmūm
ki dāġh-e-ḳhātir-e-mahzūñ thā māhtāb na thā
burā ho nāla-e-paiham kā kuchh dinoñ pahle
ḳhamosh raat ke dil meñ ye pech-o-tāb na thā
nigāh milte hī ġhash khā ke gir paḌīñ nazreñ
thī ek barq-e-mushakkal tirā shabāb na thā
azal ke din se haiñ ham mast-e-jalva-e-sāqī
hamāre sāmne kis roz āftāb na thā
kuchh apne sāz-e-nafas kī na qadr kī tū ne
ki is rabāb se behtar koī rabāb na thā
dil-e-ḳharāb kā 'ehsān' ab ḳhudā-hāfiz
ḳharāb thā magar aisā kabhī ḳharāb na thā
مرے مٹانے کی تدبیر تھی حجاب نہ تھا
وگرنہ کون سے دن حسن بے نقاب نہ تھا
اگرچہ ناز کش ساغر شراب نہ تھا
خمار خانے میں مجھ سا کوئی خراب نہ تھا
کھلا طلسم تمنا تو کھل گیا یہ بھی
کہ اک فریب نظر تھا ترا شباب نہ تھا
خیال دوست تری جلوہ تابیوں کی قسم
جو تو نہ تھا مری دنیا میں آفتاب نہ تھا
ترے فراق کی راتیں تھیں اس قدر مغموم
کہ داغ خاطر محزوں تھا ماہتاب نہ تھا
برا ہو نالۂ پیہم کا کچھ دنوں پہلے
خموش رات کے دل میں یہ پیچ و تاب نہ تھا
نگاہ ملتے ہی غش کھا کے گر پڑیں نظریں
تھی ایک برق مشکل ترا شباب نہ تھا
ازل کے دن سے ہیں ہم مست جلوۂ ساقی
ہمارے سامنے کس روز آفتاب نہ تھا
کچھ اپنے ساز نفس کی نہ قدر کی تو نے
کہ اس رباب سے بہتر کوئی رباب نہ تھا
دل خراب کا احسانؔ اب خدا حافظ
خراب تھا مگر ایسا کبھی خراب نہ تھا