मिरे ख़ुदा मुझे वो ताब-ए-नय-नवाई दे
मैं चुप रहूँ भी तो नग़्मा मिरा सुनाई दे
गदा-ए-कू-ए-सुख़न और तुझ से क्या माँगे
यही कि मम्लिकत-ए-शेर की ख़ुदाई दे
निगाह-ए-दहर में अहल-ए-कमाल हम भी हों
जो लिख रहे हैं वो दुनिया अगर दिखाई दे
छलक न जाऊँ कहीं मैं वजूद से अपने
हुनर दिया है तो फिर ज़र्फ़-ए-किबरियाई दे
मुझे कमाल-ए-सुख़न से नवाज़ने वाले
समाअतों को भी अब ज़ौक़-ए-आश्नाई दे
नुमू-पज़ीर है ये शोला-ए-नवा तो इसे
हर आने वाले ज़माने की पेशवाई दे
कोई करे तो कहाँ तक करे मसीहाई
कि एक ज़ख़्म भरे दूसरा दुहाई दे
मैं एक से किसी मौसम में रह नहीं सकता
कभी विसाल कभी हिज्र से रिहाई दे
जो एक ख़्वाब का नश्शा हो कम तो आँखों को
हज़ार ख़्वाब दे और जुरअत-ए-रसाई दे
mire ḳhudā mujhe vo tāb-e-nai-navā.ī de
maiñ chup rahūñ bhī to naġhma mirā sunā.ī de
gadā-e-kū-e-suḳhan aur tujh se kyā māñge
yahī ki mamlikat-e-sher kī ḳhudā.ī de
nigāh-e-dahr meñ ahl-e-kamāl ham bhī hoñ
jo likh rahe haiñ vo duniyā agar dikhā.ī de
chhalak na jā.ūñ kahīñ maiñ vajūd se apne
hunar diyā hai to phir zarf-e-kibriyā.ī de
mujhe kamāl-e-suḳhan se navāzne vaale
samā.atoñ ko bhī ab zauq-e-āshnā.ī de
numū-pazīr hai ye shola-e-navā to ise
har aane vaale zamāne kī peshvā.ī de
koī kare to kahāñ tak kare masīhā.ī
ki ek zaḳhm bhare dūsrā duhā.ī de
maiñ ek se kisī mausam meñ rah nahīñ saktā
kabhī visāl kabhī hijr se rihā.ī de
jo ek ḳhvāb kā nashsha ho kam to āñkhoñ ko
hazār ḳhvāb de aur jur.at-e-rasā.ī de
مرے خدا مجھے وہ تاب نے نوائی دے
میں چپ رہوں بھی تو نغمہ مرا سنائی دے
گدائے کوئے سخن اور تجھ سے کیا مانگے
یہی کہ مملکت شعر کی خدائی دے
نگاہ دہر میں اہل کمال ہم بھی ہوں
جو لکھ رہے ہیں وہ دنیا اگر دکھائی دے
چھلک نہ جاؤں کہیں میں وجود سے اپنے
ہنر دیا ہے تو پھر ظرف کبریائی دے
مجھے کمال سخن سے نوازنے والے
سماعتوں کو بھی اب ذوق آشنائی دے
نمو پزیر ہے یہ شعلۂ نوا تو اسے
ہر آنے والے زمانے کی پیشوائی دے
کوئی کرے تو کہاں تک کرے مسیحائی
کہ ایک زخم بھرے دوسرا دہائی دے
میں ایک سے کسی موسم میں رہ نہیں سکتا
کبھی وصال کبھی ہجر سے رہائی دے
جو ایک خواب کا نشہ ہو کم تو آنکھوں کو
ہزار خواب دے اور جرأت رسائی دے